وەک ئاشکرایە لینۆڤۆ مۆبایلی Lenovo Z6 Proـی لە مانگی چوارەمی ڕابردوودا ڕاگەیاند و بە دوایدا Lenovo Z6 Youth Editionـیشی ڕاگەیاند، ئێستاش کۆمپانیا چینییەکە دەیەوێت مۆبایلی Lenovo Z6 زیاد بکات بۆ ئەم زنجیرەیە.
لەم بارەیەوە جێگری بەڕێوبەری کۆمپانیای لینۆڤۆ Chang Cheng لە ماوەی ڕابردوودا هەندێک لە تایبەتمەندییەکانی مۆبایلی Lenovo Z6ـی ئاشکرا کرد و ئاماژەی بەوەدا مۆبایلەکە کاردەکات بە پڕۆسێسەری Snapdragon 730 و خاوەنی پاترییەک دەبێت بە توانستی 4000 ملی ئەمپێر.
سەرەڕای ئەمانەش مۆبایلەکە پشتگیری لە بارگاویکەرەوەی خێرا دەکات بە خێرایی 18 وات، ئەمە لە کاتێکدایە مۆبایلی Lenovo Z6 Pro لە بارگاویکەرەوەیەکی لەگەڵە بە خێرایی 27 وات بەڵام مۆبایلەکە تەنها پشتگیری لە 18 وات دەکات و هۆکاری ئەمەش هەتاوەکو ئێستا ڕوون نییە.
