ئینتەرنێت

مۆبایلە 5Gـەکان لەمساڵدا دەگمەن دەمێننەوە، تا 2023 بە تەواوی دەست بەسەر بازاڕدا دەگرن

بەپێی نوێترین ڕاپۆرتی Canalys فرۆشی مۆبایلی 5G لە ساڵی ٢٠٢٣دا هی 4G تێدەپەڕێنێت و لەمساڵەوە تا کۆتایی ٢٠٢٣، ١.٩ ملیار مۆبایلی 5G دەفرۆشرێت.

بەپێی پێشبینییەکان ڕێژەی ٥١.٤٪ـی ئەو مۆبایلانەی لە ساڵی ٢٠٢٣ دەفرۆشرێن پشتگیری نەوەی پێنجەم دەکەن و ٣٤٪ـی مۆبایلە 5Gـەکان لەو ساڵەدا لە چین دەفرۆشرێن! ١٨.٨٪ لە ئەمریکای باکور و ١٧.٤٪ لە ناوچەی ئاسیای سەر بە زەریای هێمن و ئەوروپاش لە پلەی چوارەم دەبێت.

هەر بەپێی Canalys حکومەتی وڵاتان هەوڵی زۆریان داوە لە خێراکردنی بەرەوپێشچوونی 5G و ڕۆڵێکی کارایان هەبووە لەو بوارەدا، پێشبینیش دەکرێت هەر بە زوویی و لە ساڵی داهاتوو ١٧.٥٪ـی ئەو مۆبایلانەی لە چین دەفرۆشرێن پشتگیری نەوەی پێنجەم بکەن!

سەرچاوە :

2 ته‌مموز، 2019
ئاڤاتار
خوێندکاری قۆناغی سێیەمی زانکۆم و حەزێکی زۆرم بۆ تەکنەلۆژیا هەیە، سوپاس بۆ خودا تا ڕاددەیەک زانیاری و شارەزاییم لە مۆبایلە زیرەکەکان و کۆمپیوتەردا هەیە، بە تایبەتیش لە سیستەمی وەگەڕخەری ئەندرۆید، هیوام وایە بتوانم خزمەتێکی بچووک بە هاونیشتمانیانم و بە وێبی کوردی بکەم و سوود لەم ئەزموونە وەربگرم.
324