ئێڵ جی 5, ته‌مموز 2019

کۆمپانیای LG مۆبایلی LG G8S ThinQ ـی بە پڕۆسێسەری Snapdragon 855 و 5 کامێراوە ڕاگەیاند

کۆمپانیای LG ـی کۆریای باشوور نوێترین مۆبایلی خۆی بە ناوی LG G8S ThinQ ـەوە ڕاگەیاند.

مۆبایلەکە خاوەن ڕوونمایەکە بە قەبارەی 6.2 ئینج لە جۆری OLED FullVision بە ڕوونی +FHD و بە وردی نیشاندانی 2248 بە 1080 پێکسڵ. لە پشتەوە خاوەن 3 کامێرای ڕوون بەرزە و هەستەوەری پەنجەمۆرە، لە پێشەوە خاوەن 2 کامێرایە و لەسەر نۆچی مۆبایلەکە جێگیر کراون. پڕۆسێسەری Snapdragon 855 ـی لەسەر جێگیر کراوە و خاوەن ڕامێکە بە فراوانی 6 گێگابایت و بیرگەی بژاردەی قەبارە 64 و 128 گێگابایت. هەروەها خاوەن پاترییەکە بە توانستی 3,550 ملی ئەمپێر و سیستەمی Android Pie ـی لەسەر جێگیرکراوە.

گرنگترین تایبەتمەندییەکانی مۆبایلی LG G8S ThinQ:

  • ڕوونما: قەبارە: 6.2 ئینج. جۆر: OLED FullVision. ڕوونی: +FHD. وردی نیشاندان: 2248 بە 1080 پێکسڵ.
  • پڕۆسێسەر: Qualcomm Snapdragon 855.
  • گرافیک: Adreno 640.
  • ڕام: 6 گێگابایت.
  • بیرگە: 64 و 128 گێگابایت.
  • ئەستووری: 8 میلیمەتر.
  • کێش: 181 گرام.
  • پاتری: 3,550 ملی ئەمپێر/کاتژمێر.
  • بارگاویکردنەوە: پشتگریکردن لە وەشانی سێیەمی بارگاویکردنەوەی خێرا.
  • کامێرای پشتەوە: یەکەم: 13 مێگاپێکسڵ لە جۆری Super Wide بە تیرەی F/2.4. دووەم: 12 مێگاپێکسڵ لە جۆری Standard بە تیرەی F/1.8. سێیەم: 12 مێگاپێکسڵ لە جۆری Telephoto بە تیرەی F/2.6.
  • کامێرای پێشەوە(سێڵفی): یەکەم: 8 مێگاپێکسڵ بە تیرەی F/1.9. دووەم: جۆری (Z Camera (ToF Technology.
  • هەستەوەری ئاسایشی: هەستەوەری پەنجەمۆر لە پشتەوە – ناسێنەرەوەی دەمووچاو – ناسێنەرەوەی دەست (Hand ID).
  • دەرچە: USB-C – دەرچەی بیستۆک.
  • ڕایەڵە: Wi-Fi 802.11 a, b, g, n, ac – Bluetooth 5 – NFC.
  • پارێزگاریکردن: جۆری IP68.
  • ڕەنگ: ڕەشی ئاوێنەیی – سپی ئاوێنەیی – پیرۆزەیی. 
  • سیستەمی کارپێکەر: Android Pie.

تاوەکو ئێستا کۆمپانیاکە نرخ و ڕێکەوتی بەردەستکردنی مۆبایلەکەی ئاشکرا نەکردووە، بەڵام پێشبینی دەکرێت نرخی سەروو 800$ ـەوە بێت.

سەرچاوە :
بۆچونی تۆ