10
ڕاپۆرت و توێژینەوەکان 6, ته‌مموز 2019 بۆچوون

LG ئامارە سەرەتاییەکانی خۆی بۆ چارەکی دووەمی ساڵ بڵاوکردەوە

کۆمپانیای LG ئامارە سەرەتاییەکانی خۆی بۆ چارەکی دووەمی ساڵ بڵاوکردەوە و چاوەڕوانە لەو ٣ مانگەدا داهاتی ١٣.٣ ملیار دۆلار بووبێت و قازانجیشی ٥٥٧ ملیۆن دۆلار، بەمەش پێشبینی دەکات داهاتی بە ڕێژەی ٤.١٪ زیاتربێت لە هەمان چارەکی پار بەڵام قازانجی بە ڕێژەی ١٥.٤٪ کەمتربێت بە بەراورد بە هەمان چارەک.

کۆمپانیا کۆرییەکە لە ئامارە سەرەتاییەکانیدا هیچ ئاماژەیەک بە وردەکارییەکان ناکات بۆیە دەبێت چاوەڕێی ڕاپۆرتی وردی کۆمپانیاکە بکەین لە کۆتایی مانگدا تاوەکوو بزانین بەشی تایبەت بە مۆبایل لە کۆمپانیاکە هێشتا لە زیاندایە یاخود ئەو بەڕێوەبەرایەتییە نوێیەی لە کۆتایی ساڵی پار ئەو بەشەی گرتە دەست توانیویەتی بارودۆخەکە بەرەو باشتر ببات و دووبارە قازانج بەدەست بهێنێت.

سەرچاوە :
تاگەکان LG مۆبایل هەواڵ
بۆچونی تۆ