ئەپ و نەرمەکاڵا

لە وەشانی تاقیکاری تەختەکلیلی SwiftKey ـدا ئیمۆجییە 3 دوورییەکان بۆ سەرجەم مۆبایلەکانی ئەندرۆید زیادکرا

ڕەنگە تەختەکلیلی SwiftKey یەکێک نەبێت لە تەختەکلیلە بەربڵاوەکانی ئەندرۆید، بەڵام گومان لەوەدا نییە کە تەختەکلیلە لایەنە سێیەمەکانی ئەندرۆید خاوەن ژمارەیەک بەکارهێنەری ئێجگار زۆرن. کۆمپانیای مایکرۆسۆفت خاوەنی تەختەکلیلی SwiftKey تایبەتمەندی ڕاستی خەیاڵی Puppets ـی بۆ تەختەکلیلەکەی زیادکرد.

تایبەتمەندی نوێی Puppets ڕێگەت پێدەدات ئیمۆجییە 3 دوورییە جوڵاوەکان لە ڕێگای کامێراوە بەکاربهێنیت، هەر وەک تایبەتمەندی Animoji ـی ئەپڵ و AR Emoji ـی سامسۆنگ، تەنانەت ئەگەر مۆبایلەکەشت خاوەنی هەستەوەری قوڵی نەبێت. بەو واتایەی، تایبەتمەندییەکە بۆ سەرجەم مۆبایلەکانی ئەندرۆید بەردەستە و دەتوانرێت چێژ لە ئیمۆجییە 3 دوورییە جوڵاوەکان وەربگیردرێت.

لەگەڵ هەر جوڵانەوەی دەموچاودا، ئیمۆجییە 3 دوورییەکانیش هاوشێوەی تۆ دەجوڵێنەوە. هەروەها تایبەتمەندییەکە ڕێگەت پێ دەدات تاوەکو ماوەی 30 چرکە جوڵانەوەکان تۆمار بکەیت بە شێوەی ڤیدیۆ و بۆ هاوڕێکانتی بنێریت. تایبەتمەندییەکە هەر یەکە لە ڕۆڵگێڕەکانی؛ دەینەسۆڕ، پاندا، پشیلە، کونەپەپو و سەگ لەخۆ دەگرێت. هەر بە زوویش ئێمە تایبەتمەندییەکەمان تاقی کردەوە و دەتوانن بینەری ببن:

مایکڕۆسۆفتیش ھاتە ڕیزەوە و لە سویفت کی ئەندرۆید دا دەتوانن وەکو ئەمەی لە ڤیدیۆکە ھەیە لەسەر ھەر مۆبایلێکی ئەندرۆید دروست بکەن! بینەر بن!لە ئێستادا Animated Puppets لە وەشانی تاقیکاری سویفت کی بەردەستە!

Publiée par ‎Kitn.net تۆڕی تەکنەلۆژیای زانیاری کوردی‎ sur Jeudi 4 juillet 2019

لە ئێستادا تایبەتمەندییەکە لە وەشانی تاقیکاری تەختەکلیلەکەدا بەردەستە. ئەگەر خوازیاریت وەشانی تاقیکاری تەختەکلیلەکە دابگریت، کرتە لە وێنۆچکەکەی خوارەوە بکە.

سەرچاوە :

6 ته‌مموز، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
704