ئەندرۆید

کۆمپانیای Ford پشتگیری سەکۆی Android Auto ـی بۆ 8 لە ئۆتۆمبێلەکانی زیادکرد

کۆمپانیای Ford ـی ئەمریکی یەکێکە لەو کۆمپانیا بەرهەمهێنەرانەی ئۆتۆمبێل کە گرنگییەکی زۆر بە زیادکردنی سەکۆیەکانی Android Auto ـی گووگڵ و CarPlay ـی ئەپڵ دەدات بۆ ئۆتۆمبێلەکانی خۆی. بۆ ئەم مەبەستەش، کۆمپانیاکە پشتگیری سەکۆی Android Auto ـی گووگڵی بۆ 8 لە ئۆتۆمبێلەکانی خۆی زیادکرد.

ئەو ئۆتۆمبێلانەی Ford کە پشتگری سەکۆکەیانی بۆ زیادکراوە، 3 دانەیان ئۆتۆمبێلی ئاسایین، 4 دانەیان ئۆتۆمبێلی کارگوزاری (Van) ـن و دانەیەکیان جۆری GT ـی خاوەن بزوێنەری V6 و هێزی ئەسپی 647 ـە. ئەوەی جێگای ئاماژە پێکردنە، مۆدێلی سەرجەم ئۆتۆمبێەکانی Ford کە پشتگیری سەکۆیەکەی بۆ زیاد کراوە 2017 ـن. ئەمە لیستی ئۆتۆمبێلەکانن:

  • EcoSport 2017
  • Fiesta 2017
  • GT 2017
  • KA+ 2017
  • Tourneo Courier 2017
  • Tourneo Custom 2017
  • Transit Courier 2017
  • Transit Custom 2017

زۆرێک لە ئۆتۆمبێلەکانی نێو لیستەکەی سەرەوە بە تەنها لە ئەوروپا بەردەستن و لە ئەمریکا بەردەست نین، زیادکردنی پشتگیری سەکۆکە لە ڕێگەی نوێکارییەکەوە دەبێت کە لە لایەن مامەڵەکاران و بریکارە فەرمییەکانی کۆمپانیاکەوە ئەنجام دەدرێت.

سەرچاوە :

6 ته‌مموز، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
704