10
گووگڵ 7, ته‌مموز 2019 بۆچوون

بەمنزیکانە دوگمەی کارپێکردنی میوزیکەکان بۆ شریتی ئامرازەکانی وێبگەڕی Google Chrome زیاد دەکرێت

گووگڵ کار لەسەر زیادکردنی دوگمەی کارپێکردنی میوزیکەکان دەکات بۆ شریتی ئامرازەکانی وێبگەڕی Google Chrome.

بە پێی پێگەکانی ZDnet و Techdows بێت، گووگڵ بەمنزیکانە تایبەتمەندییەک بۆ کۆنتڕۆڵکردنی میوزیکەکان زیاد دەکات بۆ شریتی ئامرازەکانی وێبگەڕەکە. تایبەتمەندییەکە ناوی Global Media Controls دەبێت و ڕێگە بە بەکارهێنەران دەدات کە کۆنتڕۆڵی میوزیک و گۆرانییە کارکردووەکان لە نێو وێبگەڕەکەدا بکەن. تایبەتمەندییەکە لە ڕێگەی دوگمەیەکەوە لە شریتی ئامرازەکان و تەنیشت هێڵی بەستەرەوە دەتوانرێت بەکاربهێندرێت.

لە ئێستادا تایبەتمەندییەکە بۆ وەشانی تاقیکاری Canary ـی وێبگەڕەکە تایبەت بە گەشەپێدەران زیاد کراوە. بەڵام نازاندرێت کە چ کاتێک گووگڵ ئەو تایبەتمەندییە بەسوودە بۆ بەکارهێنەرانی وێبگەڕی Chrome بەردەست دەکات.

سەرچاوە :
بۆچونی تۆ