10
ئەپڵ 11, ته‌مموز 2019 بۆچوون

داهاتی بەشی خزمەتگوزارییەکانی Apple زیادی کردووە

پێدەچێت ڕۆژی ٢٦ـی ئەم مانگە ئەپڵ بە فەرمی ئامارەکانی خۆی بۆ چارەکی دووەمی ئەمساڵ بڵاوبکاتەوە بەڵام هەر لە ئێستاوە شیکەرەوە و شارەزایان پێشبینی خۆیان لەو بارەوەیە بڵاودەکەنەوە.

بەپێی ڕاپۆرتێکی ڕۆیتەرز داهاتی بەشی خزمەتگوزارییەکانی زەبەلاحە ئەمریکییەکە لە مانگەکانی ٤ بۆ ٦ـی ئەمساڵ گەشەیەکی بەرچاوی بەخۆیەوە بینیوە بە تایبەتیش بەهۆی داهاتی زۆری App store، ئەمەش لە کاتێکدایە کە لەم ساڵانەی دواییدا و لە دوای ڕاوەستانی گەشەی بازاڕی مۆبایلە زیرەکەکان ئەپڵ هەوڵی داوە لە ڕێگەی پێشکەشکردنی خزمەتگوزاری زیاتر و باشتر بە بەکارهێنەرانی قەرەبووی نەمانی گەشەی فرۆشی ئایفۆن بکاتەوە و لەو ڕێگایەوە داهاتی زیاد بکات.

بەشی خزمەتگوزارییەکانی ئەپڵ دووەم پڕقازانجترین بەشی کۆمپانیاکەوە و زۆر شت لەخۆدەگرێت وەک App store و iCloud و Apple music و چەندین شتی دیکەش.

سەرچاوە :
بۆچونی تۆ