Vivo Y7s بە هەستەوەری پەنجەمۆری ژێر ڕوونماوە ڕاگەیاندرا

ئەمڕۆ لە وڵاتی چین ڤیڤۆ نوێترین مۆبایلی خۆی بە ناوی Y7s ڕاگەیاند کە خاوەن ڕوونمایەکی ٦.٣٨ ئینجی Super Amoledـە و هەستەوەری پەنجەمۆر لە ژێریەتی، هەروەها یەکەم مۆبایلە پڕۆسێسەری Helio P65 لەخۆبگرێت.

پڕۆسێسەرە نوێیەکە ٢ ناوکی Cortex-A75 و ٦ دانەی Cortex-A55 لەخۆدەگرێت کە لەرەلەری هەموویان ٢ گێگاهێرتزە، هەروەها GPUـی Mali-G52 لەخۆدەگرێت، مۆبایلەکە خاوەن ٦گب ڕام و ١٢٨گب بیرگەی ناوەکییە و پشگیری بیرگەی دەرەکی دەکات.

لە پشتەوە ٣ کامێرا هەیە، ١٦ مێگاپیکسڵی ئاسایی، ٨ مێگاپیکسڵی گۆشە فراوان و ٢ مێگاپیکسڵی تایبەت بە قووڵی، لە پێشەوەش کامێرایەکی ١٦ مێگاپیکسڵ، پاتری مۆبایلەکە ٤٥٠٠میللی ئەمپێر/کاتژمێرە و پشتگیری بارگاویبوونەوە دەکات بە توانای ١٨ وات بەڵام بەداخەوە دەرچەکە لە جۆری Micro USBـە!

مۆبایلەکە بە ٢ ڕەنگ بەردەست دەبێت و نرخی لە چین ٢٦٠ دۆلار دەبێت.

محمد شوان

خوێندکاری قۆناغی سێیەمی زانکۆم و حەزێکی زۆرم بۆ تەکنەلۆژیا هەیە، سوپاس بۆ خودا تا ڕاددەیەک زانیاری و شارەزاییم لە مۆبایلە زیرەکەکان و کۆمپیوتەردا هەیە، بە تایبەتیش لە سیستەمی وەگەڕخەری ئەندرۆید، هیوام وایە بتوانم خزمەتێکی بچووک بە هاونیشتمانیانم و بە وێبی کوردی بکەم و سوود لەم ئەزموونە وەربگرم.