کۆمپانیای Asus مۆبایلی ROG Phone 2 ـی بە پڕۆسێسەری Snapdragon 855 Plus و پاتری 6,000 ملی ئەمپێرییەوە ڕاگەیاند

کۆمپانیاکان بەردەوامن لە زیادکردنی نوێترین پڕۆسێسەری Snapdragon 855 Plus بۆ مۆبایلەکانیان. بۆ ئەم مەبەستەش، کۆمپانیای Asus مۆبایلی ROG Phone 2 ـی تایبەت بە یاریکردن بە پڕۆسێسەرە نوێیەکەوە و پاتری 6,000 ملی ئەمپێرییەوە ڕاگەیاند.

مۆبایلە نوێیەکەی Asus خاوەن ڕوونمایەکی قەبارە 6.59 ئینجە لە جۆری AMOLED و بە خێرایی 120 هێرتز و بە وردی نیشاندانی 1,080 بە 2,340 پێکسڵ، لە پشتەوە خاوەن 2 کامێرایە بە ڕوونییەکانی 48 و 13 مێگاپێکسڵ و لە پێشەوەش خاوەن کامێرایەکە بە ڕوونی 24 مێگاپێکسڵ. پڕۆسێسەری Snapdragon 855 Plus ـی لەسەر جێگیر کراوە و خاوەن ڕامێکە بە فراوانی 12 گێگابایت و بیرگەیەک بە قەبارەی 512 گێگابایت. خاوەن پاترییەکە بە توانستی 6,000 ملی ئەمپێر و سیستەمی Android 9 Pie ـی لەسەر جێگیرە و هەستەوەری پەنجەمۆر لەسەر ڕوونماکەی جێگیر کراوە.

 

گرنگترین تایبەتمەندییەکانی مۆبایلی Asus ROG Phone 2:

• ڕوونما: قەبارە: 6.59 ئینج. جۆر: AMOLED. وردی نیشاندان: 1,080 بە 2,340 پێکسڵ. خێرایی: 120 هێرتز.
• پڕۆسێسەر: Snapdragon 855 Plus.
• گرافیک: Adreno 640.
• ڕام: 12 گێگابایت.
• بیرگە: 512 گێگابایت.
• ئەستووری: 9.48 ملیمەتر.
• کێش: 240 گرام.
• پاتری: 6,000 ملی ئەمپێر/کاتژمێر.
• بارگاویکردنەوە: پشتگیریکردن لە بارگاویکەرەوەی خێرا بە توانای 30 وات.
• کامێرای پشتەوە: سەرەکی: 48 مێگاپێکسڵ. دووەم: 13 مێگاپێکسڵ.
• کامێرای پێشەوە(سێڵفی): 24 مێگاپێکسڵ.
• هەستەوەری ئاسایشی: هەستەوەری پەنجەمۆر لە سەر ڕوونما.
• دەرچە: USB 2.0 – USB 3.1 – بیستۆک.
• سیستەمی کارپێکەر: Android 9 Pie.

لەگەڵ مۆبایلەکەدا، هەریەکە لەمانە بوونیان دەبێت:

• ساردکەرەوەی AeroActive Cooler II.
• بەرگی Aero.
• دۆکی TwinView Dock II.
• کۆنتڕۆڵی ROG Kunai.
• دۆکی Mobile Desktop.
• دۆکی Pro.
• دۆکی WiGig Display Dock Plus.
• بەرگی ROG Lighting Armo.

تاوەکو ئێستا نرخی مۆبایلەکە ئاشکرا نەکراوە، بەڵام چاوەڕوان ناکرێت نرخێکی مامناوەند بەخۆیەوە ببینێت. وا بڕیارە سبەینێ (23 ـی 7) لە بازاڕەکانی وڵاتی چین بەردەست بکرێت.