داواکاری پێشوەختە بۆ كڕینی مۆبایلی Asus Rog Phone 2 گەیشتە 1.6 ملیۆن جار

تەنھا 2 رۆژ تێپەڕیووە بەسەر نمایشکردنی مۆبایلی Asus Rog Phone 2، بەڵام بە پێی نوێترین ئامار داواکاری پێشوەختە بۆ کڕینی مۆبایلەکە زیاتر 1.6 ملیۆن جاری لە چین تێپەڕ کردووە لەم ماوە کەمەدا و ئەمەش ژمارەیەکی پێوانەیی نوێیە لەسەر ئاستی ئەو وڵاتە.

وا بڕیارە 31 ـی ئەم مانگەدا دەست بکرێت بە فرۆشتنی مۆبایلەکە و چاوەڕوان دەکرێت داواکارییە پێشوەختەکانی مۆبایلەکە ڕوو لە زیادبوون بکات.

گرنگترین تایبەتمەندیەکانی مۆبایلەکە بریتی بوون لە:

•  ڕوونما: قەبارە: 6.59 ئینج. جۆر: AMOLED. وردی نیشاندان: 1,080 بە 2,340 پێکسڵ. خێرایی: 120 هێرتز.
• پڕۆسێسەر: Snapdragon 855 Plus.
• گرافیک: Adreno 640.
• ڕام: 12 گێگابایت.
• بیرگە: 512 گێگابایت.
• ئەستووری: 9.48 ملیمەتر.
• کێش: 240 گرام.
• پاتری: 6,000 ملی ئەمپێر/کاتژمێر.
• بارگاویکردنەوە: پشتگیریکردن لە بارگاویکەرەوەی خێرا بە توانای 30 وات.
• کامێرای پشتەوە: سەرەکی: 48 مێگاپێکسڵ. دووەم: 13 مێگاپێکسڵ.
• کامێرای پێشەوە(سێڵفی): 24 مێگاپێکسڵ.
• هەستەوەری ئاسایشی: هەستەوەری پەنجەمۆر لە سەر ڕوونما.
• دەرچە: USB 2.0 – USB 3.1 – بیستۆک.
• سیستەمی کارپێکەر: Android 9 Pie.

عوسمان ئەحمەد