10
ئەپڵ 29, ته‌مموز 2019 بۆچوون

ئەپڵ 2 ئایپادی نوێی دیکە لە ئەمساڵدا بەردەست دەکات

ئەپڵ بە تەواوی چاوی لەسەر بەرهەمی ئایپادە و وا دیارە دەیەوێت چەند نەوەیەکی دیکە لە ئامێرەکە لە ئەمساڵدا ڕابگەیەنێت.

بە پێی ڕاپۆرتێکی پێگەی AppleInsider، کۆمپانیای ئەپڵ 2 دانە ئایپادی نوێی بە ژمارەی مۆدێلەکانی A2200 و A2232 ـەوە لە داتابەیسی لیژنەی دارایی ئۆراسی (Eurasian Economic Commission) ـدا تۆمار کردووە. لە تۆماری داتابەیسەکەدا ناو و قەبارەی ئایپادە نوێیەکان ئاشکرا نەکراون، بەڵام ڕەنگە نوێکراوەی ئایپادی قەبارە 9.7 ئینج ببن.

پڕوپاگەندەکانی سەرەتای ئەم ساڵ دەیانگوت کە ئەپڵ لە ئەمساڵدا 2 ئایپادی نوێ بە قەبارەکانی 10.2 و 10.5 ئینج بەردەست دەکات، سەرەڕای ئەوەی لە ماوەی ڕابردوودا ئەپڵ 5 مۆدێلی دیکەی لە ئامێرەکەی لە داتابەیسی لیژنەی دارایی ئۆراسیدا تۆمارکردبوو.

چاوەڕوان دەکرێت لە کۆتاییەکانی ئەمساڵدا و لە بۆنەیەکی تایبەتدا، کۆمپانیای ئەپڵ لە پاڵ نمایشکردنی نەوەی نوێ لە ئامێرەکانی، 2 ئایپادە نوێیەکەش نمایش بکات.

سەرچاوە :
بۆچونی تۆ