سامسۆنگ

سامسۆنگ مۆبایلەکانی گالەکسی Note 10 و گالەکسی +Note 10 ـی بە پڕۆسێسەری Snapdragon 855 ـەوە ڕاگەیاند

کەمێک بەر لە ئێستا و لە کۆنگرەی Unpacked ـدا، کۆمپانیای سامسۆنگ هەر یەکە لە مۆبایلەکانی گالەکسی Note 10 و گالەکسی +Note 10 ـی بە پڕۆسێسەری Snapdragon 855 و نرخی دەستپێکی 949$ ـەوە ڕاگەیاند.

مۆبایلی گالەکسی Note 10 خاوەن ڕوونمایەکە بە قەبارەی 6.3 ئینج لە جۆری Dynamic AMOLED و بە وردی نیشاندانی 1080 بە 2280 پێکسڵ و خاوەن شووشەی پارێزەری جۆری Corning Gorilla Glass. لە پشتەوە خاوەن 3 کامێرایە بە ڕوونییەکانی 12 و 12 و 16 مێگاپێکسڵ و لە پێشەوە خاوەن کامێرایەکە بە ڕوونی 10 مێگاپێکسڵ و لەسەر چاڵی ژێر ڕوونما جێگیر کراوە. پڕۆسێسەری Snapdragon 855 ـی لەسەر جێگیرە و خاوەن ڕامێکە بە فراوانی 8 گێگابایت و بیرگەیەکی ناوەکی بە قەبارەی 256 گێگابایت. خاوەن پاترییەکە بە توانستی 3,500 ملی ئەمپێر و پشتگیری لە بارگاویکردنەوەی خێرا دەکات بە توانای 25 وات.

گرنگترین تایبەتمەندییەکانی مۆبایلی Samsung Galaxy Note 10:

  • ڕوونما: قەبارە: 6.3 ئینج. جۆر: Dynamic AMOLED. وردی نیشاندان: 1080 بە 2280 پێکسڵ. شووشەی پارێزەر: Corning Gorilla Glass.
  • پڕۆسێسەر: Qualcomm SDM855 Snapdragon 855 (7 nm) – USA/China.
  • گرافیک: Adreno 640 – USA/China.
  • ڕام: 8 گێگابایت.
  • بیرگە: 256 گێگابایت (زیادکردن تاوەکو 1 تێرابایت لە ڕێگەی دەرچەی microSD).
  • ئەستووری: 7.9 میلیمەتر.
  • کێش: 168 گرام.
  • پاتری: 3,500 ملی ئەمپێر/کاتژمێر.
  • بارگاویکردنەوە: پشتگیریکردن لە بارگاویکردنەوەی خێرا بە توانای 25 وات.
  • کامێرای پشتەوە: سەرەکی: 12 مێگاپێکسڵ بە تیرەی f/1.5-1.8-2.4. دووەم: 12 مێگاپێکسڵ بە تیرەی f/2.1. سێیەم: 16 مێگاپێکسڵ بە تیرەی f/2.2.
  • کامێرای پێشەوە(سێڵفی): 10 مێگاپێکسڵ بە تیرەی f/2.2.
  • هەستەوەری ئاسایشی: هەستەوەری پەنجەمۆری سەر ڕوونما.
  • دەرچە: USB-C.
  • سیمکارتدوانە سیمکارت.
  • ڕایەڵە: Wi-Fi 802.11 a/b/g/n/ac/ax – dual-band – Wi-Fi Direct – hotspot – Bluetooth 5.0.
  • ڕەنگ: شین – سپی – ڕەش.
  • سیستەمی کارپێکەر: OneUI (بنچینەکراو لەسەر Android 9 Pie).

مۆبایلی گالەکسی +Note 10 خاوەن ڕوونمایەکە بە قەبارەی 6.8 ئینج لە جۆری Dynamic AMOLED و بە وردی نیشاندانی 1440 بە 3040 پێکسڵ و خاوەن شووشەی پارێزەری جۆری Corning Gorilla Glass. لە پشتەوە خاوەن 3 کامێرایە بە ڕوونی 12 و 12 و 16 مێگاپێکسڵ و لە پێشەوە خاوەن کامێرایەکە بە ڕوونی 10 مێگاپێکسڵ و لەسەر چاڵی ژێر ڕوونما جێگیر کراوە. پڕۆسێسەری Snapdragon 855 ـی لەسەر جێگیرە و خاوەن ڕامێکە بە فراوانی 12 گێگابایت و بژاردەی بیرگەی ناوەکی بە قەبارەی 256 و 512 گێگابایت. خاوەن پاترییەکە بە توانستی 4,300 ملی ئەمپێر و پشتگیری لە بارگاویکردنەوەی خێرا دەکات بە توانای 25 وات.

گرنگترین تایبەتمەندییەکانی مۆبایلی +Samsung Galaxy Note 10:

  • ڕوونما: قەبارە: 6.8 ئینج. جۆر: Dynamic AMOLED. وردی نیشاندان: 1440 بە 3040 پێکسڵ. شووشەی پارێزەر: Corning Gorilla Glass.
  • پڕۆسێسەر: Qualcomm SDM855 Snapdragon 855 (7 nm) – USA/China.
  • گرافیک: Adreno 640 – USA/China.
  • ڕام: 12 گێگابایت.
  • بیرگە: 256 و 512 گێگابایت (زیادکردن تاوەکو 1 تێرابایت لە ڕێگەی دەرچەی microSD).
  • ئەستووری: 7.9 میلیمەتر.
  • کێش: 196 گرام.
  • پاتری: 4,300 ملی ئەمپێر/کاتژمێر.
  • بارگاویکردنەوە: پشتگیریکردن لە بارگاویکردنەوەی خێرا بە توانای 25 وات.
  • کامێرای پشتەوە: سەرەکی: 12 مێگاپێکسڵ بە تیرەی f/1.5-1.8-2.4. دووەم: 12 مێگاپێکسڵ بە تیرەی f/2.1. سێیەم: 16 مێگاپێکسڵ بە تیرەی f/2.2.
  • کامێرای پێشەوە(سێڵفی): 10 مێگاپێکسڵ بە تیرەی f/2.2.
  • هەستەوەری ئاسایشی: هەستەوەری پەنجەمۆری سەر ڕوونما.
  • دەرچە: USB-C.
  • سیمکارتدوانە سیمکارت.
  • ڕایەڵە: 5G – Wi-Fi 802.11 a/b/g/n/ac/ax – dual-band – Wi-Fi Direct – hotspot – Bluetooth 5.0.
  • ڕەنگ: شین – سپی – ڕەش – پەمەیی.
  • سیستەمی کارپێکەر: OneUI (بنچینەکراو لەسەر Android 9 Pie).

سامسۆنگ مۆبایلی گالەکسی Note 10+ 5G ـیشی بە پشتگیری لە نەوەی پێنجەمی پەیوەندی 5G و بە هەمان تایبەتمەندییەکانی گالەکسی +Note 10 ـەوە ڕاگەیاند. هەروەها هەردوو مۆبایلە نوێیەکەی زنجیرەی نۆت پشتگیری لە قەڵەمی زیرەکی S Pen دەکەن و توانای ئەنجامدانی چەند کردارێک هەیە لە ڕێگەیەوە.

مۆبایلەکانی گالەکسی Note 10 و گالەکسی +Note 10 پشتگیری لە هاوبەشیپێکردنی وزەی پاتری بۆ مۆبایلەکانی دیکە دەکەن. مۆبایلەکان خاوەن کامێرایەکی نوێن کە تایبەتن بە درووستکردنی بنەماکان بە شێوەی 3 دووری.

نرخی مۆبایلی گالەکسی Note 10 لە 949$ ـەوە دەست پێدەکات و نرخی مۆبایلەکانی گالەکسی +Note 10 و گالەکسی Note 10+ 5G لە 1,049$ و 1,299$ ـەوە دەست پێ دەکەن. لە ئێستادا بەردەستن بۆ کڕین بە شێوەی داواکاری پێشوەختە و لە ڕێکەوتی 23 ـی ئەم مانگەدا بەردەست دەکرێن بۆ کڕین.

سەرچاوە :
8 ئاب، 2019
ئاڤاتار
بەڕێوەبەری نووسین و نووسەر لە کەی ئای تی ئێن. خوێندکاری پەیمانگەی کۆمپیوتەرم، گەشەپێدەرم و شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
828