ئەپڵ

ئەپڵ بڕە پارەی وەکو خەڵات بۆ ئەو کەسانەی کەلێن لە سیستەم و خزمەتگوزارییەکانیدا دەدۆزنەوە بۆ 1 ملیۆن دۆلار زیادکرد

لە کۆتایدا، کۆمپانیای ئەپڵ بڕە پارەی وەکو خەڵات بۆ ئەو توێژەرەوە ئاسایشییانەی کە کەلێن لە سیستەم و خزمەتگوزارییەکانی کۆمپانیاکەدا دەدۆزنەوە بۆ 1 ملیۆن دۆلار زیاد کرد و لەمەودوا ئەم بڕە پارەیە کەلێنەکانی سیستەمی macOS ـیش دەگرێتەوە.

کۆمپانیاکە 3 ساڵ لەمەوپێش بڕی 200,000$ ـی وەکو بەرزترین ئاست بۆ ئەو توێژەرەوە ئاسایشییانە دیاریکرد کە کەلێن لە سیستەم و خزمەتگوزارییەکانی ئەپڵدا دەدۆزنەوە. بەڵام هەرگیز سیستەمی macOS بەشێک نەبوو لەم خەڵاتی دۆزینەوەی کەلێنە. کۆمپانیاکە ڕایگەیاند کە بڕە پارەی وەکو خەڵات بۆ ئەو توێژەرەوە ئاسایشییانەی کە کەلێن لە سیستەم و خزمەتگوزارییەکانی دەدۆزنەوە زیادکرد بۆ 1 ملیۆن دۆلار، بڕە پارەکە بۆ بەرزترین ئاستی کەلێنە و هەر یەکە لە سیستەمەکانی iOS و tvOS و iPadOS و watchOS و macOS و خزمەتگوزاری هەوری iCloud دەگرێتەوە.

ئەپڵ دەیەوێت بە بڕە پارە هانی توێژەرەوە ئاسایشییەکان بدات تاوەکو کەلێنەکان لە سیستەم و خزمەتگوزارییەکانی کۆمپانیاکەدا بدۆزنەوە، تاوەکو یارمەتیدەر بن بۆ پتەوکردنی ئاسایشی سیستەم و خزمەتگوزارییەکانی کۆمپانیاکە.

نەبوونی سیستەمی macOS وەکو بەشێک لە خەڵاتی دۆزینەوەی کەلێنەکان ببووە کێشە بۆ کۆمپانیاکە، لە دوای ئەوەی لە سەرەتاکانی ئەمساڵدا توێژەرەوەیەکی ئاسایشی کەلێنێکی لە سیستەمەکەدا دۆزیبووەوە، بەڵام ڕەتیکردەوە تاوەکو بە خۆڕایی کەلێنەکە بنێرێت بۆ ئەپڵ بە مەبەستی چارەسەرکردنی.

بە زیادکردنی بڕە پارەی خەڵاتی دۆزینەوەی کەلێنەکان لە لایەن ئەپڵەوە، کۆمپانیاکە دەرفەتی زیاتری دەبێت تاوەکو یارمەتی بدرێت لە لایەن توێژەرەوە ئاسایشییەکان بە مەبەستی دۆزینەوەی کەلێنەکان.

سەرچاوە :
9 ئاب، 2019
ئاڤاتار
بەڕێوەبەری نووسین و نووسەر لە کەی ئای تی ئێن. خوێندکاری پەیمانگەی کۆمپیوتەرم، گەشەپێدەرم و شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
841