کۆمپانیای Vivo مۆبایلی NEX 3 5G ـی بە پڕۆسێسەری Snapdragon 855 Plus و ڕوونمای تاڤگەییەوە ڕاگەیاند

لە دوای چەند مانگێک لە بڵاوبوونەوەی وێنە و زانیارییە دزەپێکراوەکان، لە کۆتایدا مۆبایلی NEX 3 5G لە لایەن Vivo ـەوە نمایشکرا. مۆبایلەکە خاوەن پڕۆسێسەری Snapdragon 855 Plus و ڕوونمای تاڤگەیی و زیاترە.

مۆبایلە نوێیەکەی Vivo خاوەن ڕوونمایەکە بە قەبارەی 6.89 ئینج لە جۆری تاڤگەیی (Waterfall) و ڕوونماکەی 99.6% ـی پێشەوەی مۆبایلەکەی گرتۆتەوە. مۆبایلەکە خاوەن هیچ دوگمەیەک نییە لە لایەکانەوە، بەڵکو ڤیڤۆ تایبەتمەندییەکی زیادکردووە بە ناوی Touch Sense کە بەبێ هەستپێکردن دوگمەکان بەکاردێن. لە پشتەوە خاوەن 3 دانە کامێرایە بە ڕوونییەکانی 64 و 2 دانەی 13 مێگاپێکسڵ، لە پێشەوەش خاوەن 2 دانە کامێرای دەرکەوتەیە بە ڕوونییەکانی 16 مێگاپێکسڵ. پڕۆسێسەری Snapdragon 855 Plus ـی لەسەر جێگیرە و خاوەن بژاردەی ڕامی 8 و 12 گێگابایتی و بیرگەی 256 گێگابایتییە. خاوەن پاترییەکە بە توانستی 4,500 ملی ئەمپێر و هەستەوەری پەنجەمۆر لەسەر ڕوونماکەی جێگیر کراوە. مۆبایلەکە پشتگیری لە نەوەی پێنجەمی پەیوەندی 5G دەکات و بژاردەی 4G ـیشی لێ بەردەست دەکرێت.

گرنگترین تایبەتمەندییەکانی مۆبایلی Vivo NEX 3 5G:

• ڕوونما: قەبارە: 6.89 ئینج. جۆر: Super AMOLED. وردی نیشاندان: 1080 بە 2256 پێکسڵ.
• دیزاین: نۆچ: هەیە. چاڵی ژێر ڕوونما: نییە.
• پڕۆسێسەر: (Qualcomm SDM855 Snapdragon 855+ (7 nm.
  
• گرافیک: Adreno 640.
• ڕام: 8 و 12 گێگابایت.
• بیرگە: 128 گێگابایت.
• ئەستووری: 9.4 میلیمەتر.
• کێش: 218 گرام.
• پاتری: 4,500 ملی ئەمپێر/کاتژمێر.
• بارگاویکردنەوە: پشتگیری لە بارگاویکەرەوەی بێوایەر و بارگاویکەرەوەی خێرا بە توانای 44 وات.
• کامێرای پشتەوە: سەرەکی: 64 مێگاپێکسڵ بە تیرەی f/1.8 و لە جۆری Wide. دووەم: 13 مێگاپێکسڵ بە تیرەی f/2.5 و لە جۆری Telephoto. سێیەم: 13 مێگاپێکسڵ بە تیرەی f/2.2 و لە جۆری Ultra Wide
• کامێرای پێشەوە(سێڵفی): یەکەم و دووەم: 16 مێگاپێکسڵ بە تیرەی f/2.1 و لە جۆری دەرکەوتە.
• هەستەوەری ئاسایشی: هەستەوەری پەنجەمۆر لە ژێر ڕوونما.
• دەرچە: USB-C – بیستۆک.
• پارێزەر: –
• ڕایەڵە: Wi-Fi 802.11 a/b/g/n/ac – dual-band – Wi-Fi Direct – hotspot – Bluetooth 5.0. تایبەتمەندی NFC: نەزانراوە. تایبەتمەندی Radio: نییە.
• سیمکارت: دوانە سیمکارت.
• ڕەنگ: ڕەش – شینی ئاسمانی تێکەڵاو.
• سیستەمی کارپێکەر: Funtouch 9.1 (بنچینەکراو لەسەر Android 9 Pie).
• حاڵەتی بەردەستبوون: بەردەست نییە.
• نرخ: نەزاندراوە.

تاوەکو ئێستا کۆمپانیای ڤیڤۆ نرخ و ڕێکەوتی بەردەستکردنی مۆبایلەکەی ئاشکرا نەکردووە، بەڵام دەڵێت لە چەند مانگی داهاتوودا لە وڵاتانی ئاسیادا بەردەستی دەکات.

ماکوان بەرزان

نووسەر و بەڕێوەبەری نووسین لە کەی ئای تی ئێن. گەشەپێدەر و خوێندکاری پەیمانگەی زانستی کۆمپیوتەر.