10
شاومی 24, ئه‌یلول 2019 بۆچوون

شاومی مۆبایلی Mi 9 Pro 5G ـی بە پڕۆسێسەری Snapdragon 855 Plus و نرخی دەستپێکی 520$ ـەوە ڕاگەیاند

لە بۆنەیەکی تایبەتدا، ئەمڕۆ کۆمپانیای شاومی چینی مۆبایلی Mi 9 Pro 5G ـی بە پڕۆسێسەری Snapdragon 855 Plus و نرخی دەستپێکی 520$ ـەوە ڕاگەیاند.

مۆبایلە نوێیەکەی شاومی بووە دووەمین مۆبایلی کۆمپانیا چینییەکە کە پشتگیری لە نەوەی پێنجەمی پەیوەندی 5G بکات. پشتگیری لە بارگاویکردنەوەی خێرا دەکات بە توانای 45 وات و پشتگیری لە بارگاویکردنەوەی بێوایەریش دەکات بە توانای 30 وات. بەو مانایەی، دەتوانرێت بە 69 خولەک بە بێ هیچ وایەرێک و بە تەواوی بارگاوی ببێتەوە و بە وایەریش بە 48 خولەک بە تەواوی بارگاوی ببێتەوە.

خاوەن ڕوونمایەکە بە قەبارەی 6.39 ئینج لە جۆری Super AMOLED بە ڕوونی 1080 پێکسڵ. لە پشتەوە خاوەن 3 دانە کامێرایە بە ڕوونییەکانی 48 و 16 و 12 مێگاپێکسڵ و لە پێشەوەش خاوەن کامێرایەکە بە ڕوونی 20 مێگاپێکسڵ و لەسەر نۆچە دڵۆپەییەکەی جێگیر کراوە. پڕۆسێسەری Snapdragon 855 Plus ـی لەسەر جێگیرە و خاوەن بژاردەی ڕامی 8 و 12 گێگابایت و بیرگەی 128 و 256 و 512 گێگابایتییە. خاوەن پاترییەکە بە توانستی 4000 ملی ئەمپێر و هەستەوەری پەنجەمۆر لە ژێر ڕوونماکەیدا جێگیر کراوە. لە هەمووی گرنگتر، مۆبایلەکە بە ڕووکاری MIUI 11 ـی نوێی کۆمپانیاکەوە بەردەست دەکرێت

گرنگترین تایبەتمەندییەکانی مۆبایلی Xiaomi Mi 9 Pro 5G:

  • ڕوونماقەبارە: 6.39 ئینج. جۆر: Super AMOLED. وردی نیشاندان: 1080 بە 2340 پێکسڵ.
  • دیزایننۆچ: هەیە. چاڵی ژێر ڕوونما: نییە.
  • پڕۆسێسەر: (Qualcomm SDM855 Snapdragon 855+ (7 nm.
  • گرافیک: Adreno 640.
  • ڕام: 8 و 12 گێگابایت.
  • بیرگە: 128 و 256 و 512 گێگابایت.
  • ئەستووری: 8.5 میلیمەتر.
  • کێش: 196 گرام.
  • پاتری: 4,000 ملی ئەمپێر/کاتژمێر.
  • بارگاویکردنەوە: پشتگیری لە بارگاویکەرەوەی بێوایەر بە توانای 30 وات و بارگاویکەرەوەی خێرای بەوایەر بە توانای 45 وات.
  • کامێرای پشتەوەسەرەکی: 48 مێگاپێکسڵ بە تیرەی f/1.8 و لە جۆری Wide. دووەم: 12 مێگاپێکسڵ بە تیرەی f/2.2 و لە جۆری Telephoto. سێیەم: 16 مێگاپێکسڵ بە تیرەی f/2.2 و لە جۆری Ultra Wide.
  • کامێرای پێشەوە(سێڵفی): 20 مێگاپێکسڵ بە تیرەی f/2.0.
  • هەستەوەری ئاسایشی: هەستەوەری پەنجەمۆر لە ژێر ڕوونما.
  • دەرچە: USB-C – بیستۆک.
  • ڕایەڵە: Wi-Fi 802.11 a/b/g/n/ac – dual-band – Wi-Fi Direct – hotspot – Bluetooth 5.0. تایبەتمەندی NFC: هەیە. تایبەتمەندی Radio: نییە.
  • سیمکارت: دوانە سیمکارت.
  • ڕەنگ: ڕەش – سپی.
  • سیستەمی کارپێکەر: MIUI 11 (بنچینەکراو لەسەر Android 9 Pie).
  • حاڵەتی بەردەستبوون: بەردەست نییە.
  • نرخ: دەست پێدەکات لە 520$.

نرخەکانی مۆبایلی Mi 9 Pro 5G لە بازاڕەکانی وڵاتی چین:

  • ڕامی 8 گێگابایت و بیرگەی 128 گێگابایت: 520$
  • ڕامی 8 گێگابایت و بیرگەی 256 گێگابایت: 535$
  • ڕامی 12 گێگابایت و بیرگەی 256 گێگابایت: 575$
  • ڕامی 12 گێگابایت و بیرگەی 512 گێگابایت: 605$

مۆبایلەکە بە بژاردەی 4G و 5G بەردەست دەکرێت، وا بڕیارە لە ڕێکەوتی 31 ـی مانگی داهاتوو لە چین بەردەست بکرێت. نرخ و ڕێکەوتی بەردەستکردنی لە بازاڕەکانی وڵاتانی دیکەی جیهان نەزاندراوە.

سەرچاوە :
بۆچونی تۆ