10
ئای ئۆ ئێس 25, ئه‌یلول 2019 بۆچوون

کۆمپانیای Nintendo یاری Mario Kart Tour ـی بە نرخی خۆڕاییەوە بۆ بەکارهێنەرانی iOS و Android بەردەستکرد

لە پاش ئەوەی لە ماوەی ڕابردوودا کۆمپانیای Nintendo ڕێکەوتی بەردەستکردنی یاری Mario Kart Tour ـی بۆ سیستەمەکانی iOS و Android ئاشکرا کردبوو، لە کۆتایدا، ئەمڕۆ کۆمپانیاکە یارییەکەی بۆ بەکارهێنەرانی هەردوو سیستەمەکە بەردەستکرد.

یاری Mario Kart Tour یارییەکی پێشبڕکێ ئامێزانایە، دەتوانرێت کۆنتڕۆڵی ئۆتۆمبێلەکان بە تەنها بردنە ڕاست و چەپی پەنجە ئەنجام بدرێت. شێوازی یارییەکە بە هەمان شێوەی یاری کۆنی Mario Kart ـە بۆ سەکۆیەکانی Nintendo، بەڵام بێگومان لە مۆبایلدا جیاوازترە و خاوەن تام و چێژێکی تایبەت بە خۆیەتی. یارییەکە خاوەن چەند جۆرێکی ئۆتۆمبێل و نەخشەیە، هەروەها خاوەن گرافیکێکی نایابە.

یاری Mario Kart Tour بە خۆڕایی لە کۆگاکانی ئەپ ستۆر و گووگڵ پلەی بەردەستە، بەڵام کڕینی نێوخۆیی لە یارییەکەدا بوونی هەیە و بەرزترین نرخیش دەگاتە 4.99$. بۆ بەکارهێنان، پێویستت بە هەژمارێکی Nintendo دەبێت، هەروەها یارییەکە سەرهێڵە و هەمیشە پێویستی بە ئینتەرنێتە بۆ کارکردن.

کرتە لە وێنۆچکەکانی خوارەوە بکە بۆ داگرتنی یارییەکە.

بۆچونی تۆ