ئەیسەر پەردەی لەسەر کۆمپیوتەرکی ڕوومێزی بە سیستەمی ئەندرۆید لادا.

لە میانەی بەڕێوەچوونی پێشانگای کۆمپیوتێکس لە شاری تایبییەیی پایتەخیتی تایوان، ئەیسەری کۆمپانیا گەورەکەی تایوانK پەردەی لەسەر مۆدێلێکی نوێی کۆمپیوتەری ڕوومێزی بەناوەمۆدێلی Acer N3-220 لادا کە سیستەمی ئەندرۆیدی لەسەرە. شایەنی باسە ئەم کۆمپیوتەرە بە خێرای ١.٦ گێگاهێرتز کاردەکات و گرافیک کاردی نێڤیدیا تێگرا ٣ی لەسەرە و وەشانی سیستەمی ئەندرۆیدەکەیشی بریتییە لە ٤.٢.٢.

بەگوێرەی ئەم نمونەیەی لە پێشانگاکە نمایشکاربوو یەکەی یادی ناوەکییەکەی تەنها ٨ گێگا بایتە ئەم کۆمپیوتەرە بەڵام بەگوێرەی گوتەی ئەیسەر گوایە ئەمە تەنها نمونەیەکە و لە کاتی خستنە بازاڕییەوە بەدڵنیاییەوە ئەوان گۆڕانکاری لە تایبەتمەندییەکاندا دەکەن و بە قەبارەی گەورەتری یەکەی یادی ناوەکی و سی پی یوو و شتی تری جیاوازەوە بڵاو دەکرێتەوە.

شایەنی باسە و بەگوێرەی شاندی ئامادەبووی ئەیسەر لە کۆمپیوتێکس ڕایانگەیاند کە ئامێرەکە لە مانگی ٩ یان ١٠ی ئەمساڵ دەخرێتە بازاڕەوە و وەکو ناوی بازرگانیی Gateway ئەمریکی لەسەر نوسراوە، کە چاوەڕوانی ئەوەی لێدەکرێـت بازاڕی باشتربێت و بەشێوەیەکی بەرچاو خەڵکی ڕووی تێبکەن. سەبارەت بە نرخی ئەم کۆمپیوتەرە ڕوومێزییە، ئەیسەر هیچی لێدوانێکی نەداوە.

سەرچاوە aitnews

سەردار عبدالله

مامۆستای زانکۆ و هەڵگری ماستەر لە فێرکردنی زمانی ئینگلیزی و تەکنەلۆژیا. ساڵانێکە هەواڵ و زانیاری بە زمانی کوردی دەنوسم و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە 8 ساڵە. هەروەک گرافیک دیزاینەریش خەونی منە! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!