Semi-Restore گەیشت، ئێستا ئامێرەکەت ڕیستۆر بکە بێ لەدەستدانی جەیلبرەیک+ داگرتن + چۆنیەتی.

دوای چاوەڕوانییەکی زۆر Semi-Restore گەیشت، کە پرۆگرامۆکەیەکە و هەڵدەستێت بە خاوێنکردنەوە و سڕینەوەی داتاکانی سەر ئایفۆنەکەت وەکو نیمچە ڕیسۆترێک وایە بەبێ ئەوەی جەیلبرەیک لەدەست بدەیت. ئەم پڕۆگرامۆکەیە لەلایەن دەستیەکەوە بەناوی CoolStarـەوە گەشەی پێدراوە و پشتگیری iOS5 تا iOS6.1.2 دەکات و بەتەنها یەک کلیک هەڵدەستێت بە ڕیستۆرکردنەوەی ئامێرەکەت بەبێ ئەوەی جەیلبرەیک لەدەست بدەیت.

Semi-Restore چیمان بۆ دەکات:
– هەموو پوخچە دابەزێندراوەکانی ناو سیدیا دەسڕێتەوە.
– هەموو بوخچە و فایلەکانی سەر ئامێری بەکارهێنەر دەسڕێتەوە.
– چاککردنی ڕووخسەتەکان.
– چاککردنی چالاککییەکان.
– چاککردنی کێشەکانی ئای مێسج و فەیستایم.
– چاککردنی کێشەی زوو زوو دەرکەوتنی Safe Mode.
– سیدیا دادەبەزێنێتەوە ئەگەر سڕدرابۆیەوە.

Semi-Restore چیمان بۆ ناکات:
– وەشانی سیستەمەکە Upgrade ناکاتەوە.
– سیستەمەکە Downgarde ناکات.
– ئامێرەکەت جەیلبرەک ناکات بەڵکو لە لەدەستدانی دەیپارێزێت.
– فایلە تێکچووەکانی سیستەم چارە ناکات.

تێبینییەکان:

– Semi-Restore لەسەر وێندۆز ئێکس پی SP3 بەرو سەر کاردەکات و لەسەر سیستەمی OSX10.6 بەرەو سەر کاردەکات و لەسەر لینوکس ئوبنتو 12.10 بەرەو سەر.
– وەکو هەموو جارێکی ڕیستۆ بیرت نەچێـت لە ئایتیونز Back upـێک لە ئامێرەکەت بگرە بۆ ئەوەی لەدوای ڕیستۆرەکە شتەکانت بخەیتەوە ناو ئامێرەکەت.
– لەکاتی ئەنجامدانی پڕۆسەکە دەستکاری ئامێرەکەت مەکە.
– لەکاتی ئەنجامدانی پرۆسەکە چەند جارێک مۆبایلەکە Respring دەکات و لەم کاتەدا مەشڵەژێ چوونکە ئەمە شتێکی ئاساییە.

ڵێرە Semi-Restore دابگرە:
بۆ ویندۆز لێرەوە…
بۆ ماک ئۆ ئێس ئێکس لێرەوە
بۆ لینوکس لێرەوە جارێک نەگەیشتووە.

چۆنیەتی ئەنجامدانی پڕۆسەکە:
–  سەرەتا دوای داگرتنی فایلەکە بەم شێوەیە لە شوێنێک بیخەرە ناو فۆڵدەرێکەوە:
– دواتر هەر لەناو فۆڵدەرەکە فایلە زیپەکە لێکهەڵبووەشێنە:
– کلیکی ڕاست لەسەر Semi-Restore.exe بکە و وەکو بەڕێوەبەر Run as Administrator بیکەرەوە:
– کاتێک Semi-Restore کرایەوە ئەم پەیامە دێت کلیک لە OK بکە:
– ئێستا ئامێرەکەت پەیوەست بکە بە کۆمپیوتەرەکەتەوە و بیرت نەچێـت ئەم پڕۆگرامۆکەیە پشتگیری iOS5 تا iOS6.1.2 دەکات.
– دەبینیت ئێستا ئایفۆن ٤ ئێس پەیوەستە بە کۆمپیوتەرەکەوە و پڕۆگرامۆکەکەی Semi-Restoreیش خوێندوویەتەوە.
– کلیک لە دووگمەی SemiRestore بکە و چاوەڕێ بکە دەبینیت لە نیوەی مۆبایلەکەت ڕیستارت دەبێت:
– لەدوای تەواو بووی Semi-Restore ئاماژەبەوە دەکات کە بەسەرکەوتووی پڕۆسەکە تەواو بوو و ئامێرەکەت ڕێستارت دەبێت و دێتەوە سەرەتای دامەزراندنی ئامێر:
پیرۆزە ئامێرەکەت ڕیستۆر بوو بێ لەدەستدانی جەیلبرەیک!

ئەمەش پارچە ڤیدیۆیەک بۆ زیاتر ئاشنابوون بە پڕۆسەکە:
[youtube]https://www.youtube.com/watch?v=4YKohT-Ifb4[/youtube]

سوود وەرگیرا لە iClarified  و پێگەی سەرەکی Semi-restore

سەردار عبدالله

مامۆستای زانکۆ و هەڵگری ماستەر لە فێرکردنی زمانی ئینگلیزی و تەکنەلۆژیا. ساڵانێکە هەواڵ و زانیاری بە زمانی کوردی دەنوسم و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە ١٤ ساڵە. هەروەک گرافیک دیزاینەریش خەونی منە! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!