چۆنیەتی زیادکردنی فەرهەنگی ڕۆژ (ئینگلیزی – کوردی) بۆ فەرهەنگە ناوخۆییەکەی iOS (ئایفۆن و ئایپاد و ئایپۆد)

دیارە بەڕێزان خۆتان باش دەزانن لە سیستەمی ئای ئۆ ئێس دا فەرهەنگێکی تێکهەڵکێشراو هەیە لەگەڵ سیستەمەکە و لە هەرکوێیەکی ئەم سیستەمە وشەیەک دیاری بکەت ئەوا لەکاتی دەرکەوتنی لیستی دیاریکرو هەڵبژاردەی Define هەیە و بە پەنج پێدادانی دەتوانی واتای ئەم وشەیە بە ئینگلیزی وەربگریت. بەڵام ئەوەی جیگای داخ بوو نەبوونی ڕێگەیەک بوو بۆ زیادکردنی داتابەیسی فەرهەنگی تری زمانەکانی تر بۆ ئەم فەرهەنگە ناوخۆییەی سیستەمەکە بەڵام خۆشبەختانە و دوای هەوڵێک زۆر و گەڕانێکی زۆر توانم ڕێگەیەک بدۆزمەوە بۆ زیادکردنی چەندان فەرهەنگ بۆ ئە فەرهەنگە ناوخۆییە و لەوانەش فەرهەنگی ڕۆژی ئینگلیزی کوردییە و لەمەودوا لەهەر کوێیەکی ئەم سیستەمە بوویت دەتوانیت واتای وشەکان بزانیت و کاتێکی زۆر بۆخۆت فەراهەم بکەیت و پارەش نەدەیت بە فەرهەنگی تر.

تێبینی: ئەم قۆناغانەی خوارەوە لەسەر ئای ئۆ ئێس ٧ تاقیکراونەتەوە و لام وایە لەسەر ئای ئۆ ئێس ٦یش هیچ کێشەیەکیان نەبێت إن شاءلله

بەم چەند هەنگاوەی خوارەوە فێردەبین چۆن فەرهەنگی ڕۆژ زیاد بکەین بۆ ناو ئەو فەرهەنگە ناوخۆییەی سیستەمی ئای ئۆ ئێس:

١ سەرەتا ئەم ئەپڵیکەیشنە لەناو ئامێرەکە دابگرە کە ناوی Dictionary.appenderـە و ئەمەش لینکەکەیەتی:

https://itunes.apple.com/us/app/dictionary.appender/id650562573

٢- داتابەیسی فەرهەنگی ڕۆژ لەم لینکەی خوارەوە دابگرە:

http://sdrv.ms/1bXaR45

٣- دوای داگرتنی داتابەیسی فەرهەنگەکە لە فایلە زیپەکە فۆڵدەرێک هەیە بەناوی roj.dictionary بیخە دەرەوە لە زیپەکە و پاشان ئامێرەکەت پەیوەست بکە بە کۆمپیوتەرەکەتەوە و بەرنامەی iTools بکەرەوە و بچۆ بۆ ئەم بەشەی لە وێنەکە دیاری کراوە:

 

٤- ئێستا لەناو ئامێرەکەت Dictionary.appender بکەوە کە لە هەنگاوەی یەکەم دامان بەزاند و دەبینیت لە ڕیزی فەرهەنگەکان فەرهەنگی ڕۆژ دەرکەوتووە و پەنجەیەکی پێ بکێشە و لە پەنجەرەی دواتر پەنجە بە install  دابنێ، وەکو لەم دوو وێنەی خوارەوە دیارە:

 

٥- پیرۆزە بویتە خاوەنی فەرهەنگی ڕۆژ و ئێستا لە هەرکوێیەکی سیستەمەکە وشەیەک دیاری بکە و پەنجە بە Define دابنێ و دەبینیت لە ڕیزی فەرهەنگەکانی تر فەرهەنگی ڕۆژیش دەرکەوتووە و واتای وشەکە دەرکەوتووە و ئەمەش دوو نمونە لەسەر ئایفۆن و ئایپاد:

بەهیوای سود بینین و لەخوارەوەش لە بەشی کۆمێنتەکان بیرۆکەکانی خۆتان لەگەڵ هاوڕییان هاوبەشی پێبکەن و بێگۆمان ئێمەش درگامان واڵایە بۆ هەر ڕەخنە و پێشنیارێک.