ئای ئۆ ئێس 8, ته‌مموز 2014

ئەپڵیکەیشنی سکایپ بۆ ئایفۆن نوێکرایەوە.

Skypeلە درێژەی نوێکردنەوەکانیان بۆ ئەپی سکایپ، دوێنی مایکرۆسۆفت وەشانێکی نوێی لە ئەپەکە بۆ ئایفۆن بڵاوکردەوە و بەمەش کۆمەڵێک تایبەتمەندی کە لە پێش گۆڕینی دیزاینەکەی هەبوون بۆ ئەپەکە گەڕاندەوە و تایبەتمەندی تازەش بەدی دەکرێن.

ئەوەی لە وەشانی ٥.٢ بۆ سکایپ زیادکراوە بریتییە لە پێشاندانی لاڕوو واتە پڕۆفایلی بەکارهێنەران کە بە لێدان لە ناوی هەر بەکارهێنەرێک و پاشان کردنەوەی لیست و لەوێوە profile دەتوانییت وردەکاری لەسەر هاوڕێکانت ببینیت و پڕۆفایلەکانیان بکەیتەوە.

هەر لەهەمان وەشاندا، پەیامی دەنگی زیادکراوە و تێیدا بەکارهێنەر توانای وەرگرتن و ناردنی پەیامی دەنگی هەیە. ئەمە سەرەڕای زیادکردنی تایبەتمەندی زیادکردنی بەشداربووان بۆ چاتی دەستەیی واتە Group Chat و ئەمەش هەر لەهەمان لیست هەیە کە سی خاڵێکە و پەنجەی لێبدە و لیستێک دەردەکەوێت و Add Participant تێدا بەدێ دەکرێت کە لە ڕێیەوە دەتوانیت بەشداربوو زیاد بکەیتە چاتەوە و بیکەیتە دەستە چات.

کۆتا تایبەتمەندی لەم وەشاندا بریتییە لە سڕینەوەی بەردەنگەکان واتە Contacts بەبێ بەستکردنیان (Block). لەم بەستەرەی خوارەوە دەتوانن لە ئەپستۆر ئەپەکە دابگرنە ناو ئامێرەکانتان:

https://itunes.apple.com/app/skype-for-iphone/id304878510?mt=8

سودوەرگیرا لە بەشی ئەپدەیتی ئەپستۆر.

بۆچونی تۆ