هەواڵ 14, كانونی دووه‌م 2012

پێشبڕكی جامی‌ ساڵانه‌ی‌ هاككه‌ره‌كان

كۆمپانیای (فه‌یسبوك)، گه‌وره‌ تۆڕی كۆمه‌ڵایه‌تی‌ له‌سه‌ر ئه‌نته‌رنێت ڕایگه‌یاند، كه‌ كاتی‌ ده‌ستپێكردنی‌ خولی‌ سێیه‌می‌ پێشبڕكێی جامی‌ ساڵانه‌ی‌ هاككه‌ره‌كان كۆتایی ئه‌م مانگه‌ ساز ده‌كرێت.ئه‌م پێشبڕكێیه‌ی پرۆگرامه‌ره‌كان كه‌ به‌سه‌رپه‌رشتی‌ (فه‌یسبوك) ده‌چێت به‌ڕێوه‌، ده‌رگا ده‌خاته‌ سه‌ر پشت بۆ هه‌موو ئه‌ندازیاره‌كان له‌ جیهاندا، كه‌ تیایدا وردی پرۆگرام دانه‌ره‌كان و لێهاتوییان ته‌نها پێوه‌ره‌ بۆ سه‌ركه‌وتنیان، ئه‌م پێشبڕكێیه‌ له‌ 5 گێم پێكدێت كه‌ تیایدا پرۆگرام دانه‌ره‌كان كێشه‌ی پرۆگرامه‌ جۆراوجۆره‌كان چاكده‌كه‌ن،

سه‌ركه‌وتوو له‌م پێشبڕكێیه‌دا نازناوی پاڵه‌وانی‌ جیهان له‌ (جامی‌ هاككه‌ره‌كانی‌ ساڵی‌ 2012) وه‌رده‌گرێت، له‌گه‌ڵ خه‌ڵاتێك كه‌ 5 هه‌زار دۆلاره‌، ئه‌م پێشبڕكێیه‌ له‌ 20ی ئه‌م مانگه‌دا ده‌ستپێده‌كات بۆ پاڵاوتن كه‌ (27) كاتژمێر ده‌خایه‌نێت له‌ 23ی مانگ كۆتایی دێت.

بۆچونی تۆ