لە کۆتایی ئەم مانگە نوێکردنەوەی ٤.٤.٤ بۆ گالەکسی ئێس ٥ و نۆت ٣ بڵاودەکرێتەوە.

بەگوێرەی ڕاپۆرتێکی تەشەنەکراو کە لە ماڵپەڕی ئەندۆرید گیکس بڵاوکراوەتەوە و وەکو لە وێنەکەش دیارە چەند ئامێریکی سامسۆنگ لە کۆتایی ئەم مانگە نوێکردنەوەی ٤.٤.٤ی ئەندرۆیدیان بۆ پاڵپێوەدەنرێت. لەناویاندا و لە پلەی یەکەمدا گالەکسی ئێس ٥ و نۆت ٣ـن کە نوێکردنەوەکەیان بۆ دێت و ئەوەی دەمێنێتەوە لە مانگی داهاتوو تەواودەبن و پاشان بۆیان بڵاودەکرێتەوە.

جێگای ئاماژەیە وێنەی هاوپێچ هیچ وردەکارییەکی لەسەر نوێکارییەکانی ئەم نوێککردنەوەیە تێدانییە جگە لە بەرواری بڵاوکردنەوە بەبێ دیاریکردنی ڕۆژێکی دیاریکراو. بۆیە خاوەنانی ئەم جۆرە مۆبایلانە پێویستە لەسەریان لەم مانگە ئاگاداربن کە ئاگاهییەک لە سەنتەری ئاگاهییەکان (Notification Center)ـەوە دەردەچێـت و ئاگادارت دەکاتەوە کە نوێکردنەوە هاتووە و تۆش ئەگەر ئەم ئاگاهییەت بینی دەتوانی ئامێرەکەت نوێ (Update) بکەیتەوە.

سودوەرگیرا لە Android Geeks

سەردار عبدالله

تەکنەلۆژیا بەشێکە لە ژیانم و ساڵانێکە هەواڵ و زانیاری بە زمانی کوردی دەنوسم و لە چەندین ماڵپەڕ و گۆڤار بڵاوم کردوونەتەوە و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە ٦ ساڵە. ئیتر گرافیک دیزاینەریشم لە ئاستێکی باشدا و لە پای ئەم ئیشانەشدا مامۆستای زانکۆم! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!