سۆنـى مۆبایلێکى نوێى ڕاگەیاند

 ئەمڕۆ سێ شەممە کۆمپانیاى بەناوبانگى سۆنى مۆبایلێکى هۆشمەندى نوێى بە ناوى (Xperia E4G) ڕاگەیاند کە خەسڵەتەکانى وەک وەشانەکەى ترە کە ناوى (E4) بوو و لە چەند ڕۆژى ڕابردوودا لەو مانگە پەردەى لەسەرلادرا تەنها هەندێک خەسڵەتى نوێى بۆ زیادکراوە. مۆبایلەکە وەک هەمان وەشانى پێشووترە تەنها ئەمەیان پشتگیرى تۆڕى نەوەى چوارەم 4G LTE دەکات.

خەسڵەتەکانى:
ڕوونماکەى ٥ ئینجە بە ڕوونى ٥٤٠×٩٦٠ پێکسڵ و پرۆسیسەرێکى Mediatek MT6582ــى لەسەرە، ڕامەکەى ١ گێگابایتە و بیرگەکەى ٨ گێگابایتە، کامێراى دواوەى ٥ مێگاپێکسڵە و کامێراى پێشەوەى ٢ مێگاپێکسڵە، مۆبایلەکە پاتریێکى ٢٩٠٠ میلى ئەمپێرى لەسەرە کە وەک سۆنى دەڵێت مۆبایلەکە بەرگەى ٢ ڕۆژ ى تەواو کارکردن دەکات وە دەتوانرێ بەهۆى تەکنیکى پاراستنى وزەوە بە ڕێگەى Stamina و Ultra Stamina.

مۆبایلەکە لە ئەوروپا بە ڕەنگى سپى و ڕەش بەردەستە بەنرخى ١٢٩یۆڕۆ کە بەرامبەرە بە ١٤٦دۆلارى ئەمەریکى.

سەرچاوە: C|net و Technobuffalo

دیاری شێرزاد

"خوێندکارى بەکالۆریۆسى زمان و ئەدەبى (ئینگلیزى)م لە ز.سەڵاحەددین، هاوکات بەڕیوەبەرى نووسین و نوسەرم لە کەى ئاى تى ئێن؛ به‌ شێوه‌یەكی گشتگیر له‌گه‌ڵ ته‌كنه‌لۆژیای تازه‌ تێكه‌ڵم، به‌ تایبه‌تیش له‌ سیسته‌مى وەگەڕخەرى مۆبایلە هۆشمەندەکان (ئەندرۆید). لەهەوڵدام بۆ ئەوەى هه‌موو تاكێكی كورد سوودمه‌ندبن له‌ ته‌كنه‌لۆژیا و شتێكی ئه‌وتۆ ده‌رباره‌ی ته‌كنه‌لۆژیا فێرببن و لەگەڵ پێشکەوتنەکانیدا بڕۆن، هاوکات هەواڵ و بابەتە گەرمەکانى ڕۆژانەى تەکنەلۆژیا بەزمانێکى پاراو و پەتى کوردى بخوێننەوە".