سامسۆنگ ٣ ڤیدیۆى دەربارەى S6 و S6 edge بڵاوکردەوە

---

دوێنێ ئێوارە سامسۆنگ لە کەناڵى فەرمى خۆى لە یوتیوب ٣ ڤیدیۆى دەربارەى تایبەتمەندیەکانى هەریەکە لە دوو ئامێرە هۆشمەندە نوێکەى بە ناوەکانى Galaxy S6 و S6 edge بڵاوکردەوە. کە چەند رۆژێک پێش ئێستا لەمیانەى بەشداریکردنى لە کۆنگرەى جیهانى مۆبایل ناسراو بە MWC15 پەردەى لەسەر ئەو دوو ئامێرە نوێەى لادا.

 

• یەکەم ڤیدیۆ:

ڤیدیۆى یەکەم باس لە دیزاینى هەر یەکە لە هەردوو ئامێرەکە دەکات. لەگەڵ ئەنبۆکس کردنى ئامێرەکان. وە باسى گرنگترین تایببەتمەندیەکانى ئامێرەکان دەکات وەک تایبەتمەندى “People edge” تایبەت بە وەشانى ئێس ٦ ئێج. کە یارمەتیت دەدات بۆ وەرگرتنى زانیارى خێرا دەربارەى ئەو کەسەى پەیوەندیت پێوە دەکات بە چەندین ڕەنگى جیاواز. لەگەڵ چەند تایبەتمەندیێکى تر وەکو هێزى بڵندگۆکان و ڕوونى ڕوونما(شاشە)کەى. لە کۆتایی ڤیدیۆکەشدا باسى ئەو ڕەنگانە دەکات کە بەردەستن بۆ هەردوو ئامێرەکە.

[youtube]https://www.youtube.com/watch?v=LgeU-GjHMOk[/youtube]

 

• دووەم ڤیدیۆ:

ڤیدیۆى دووەم باس لە کامێرا و تایبەتمەندى و ئیفێکت(کاریگەر)یەکانى دەکات. کە تێیدا ڕوونى و فۆکسەکانى کامێرا بەرچاو دەخات. لەگەڵ باسکردنى هێزى کامێراى لاوەکى ئامێرەکان لەگەڵ تواناى ڕووناکردنى وێنەکان. وە هەروەها لە کۆتایی ڤیدیۆکە باسى تایبەتمەندى خاوکردنەوە و خێراکردن (Slow motion and fast motion)ـى ڤیدیۆکان دەکات.

[youtube]https://www.youtube.com/watch?v=R7GSauEZ3pI[/youtube]

 

• سێیەم ڤیدیۆ:

لە سێیەم ڤیدیۆدا باس لە ڕەقەکاڵاکانى هەردوو ئامێرەکە دەکات. وەکو ڕام و پرۆسێسەر. کە تاقیکردنەوەیان پێ دەکات بە ئەنجامدانى یاریێک لەسەر ئامێرى ئێس ٦. وە لە ڤیدیۆکەدا باسى پارێزراوى هەردوو ئامێرەکە دەکات. دواتر باس لە پاترى و بارگاوى کردنەوەى ئامێرەکان دەکات کە بە ١٠ خولەک بارگاوى تواناى ٤ کاژێر کارکردنى هەیە لەگەڵ تواناى بارگاویکردنەوە بە تایبەتمەندى بێتەل(واى فاى). لە کۆتایى ڤیدیۆکەش باس لە تایبەتمەندى “Samsung Pay” دەکات.

[youtube]https://www.youtube.com/watch?v=wRU9CBk20kY[/youtube]

 

ئێوەش دواى ئەوە سەیرى ڤیدیۆکانتان کرد بەشداربن لەگەڵمان بە ڕاو بۆچوون و تێبینیەکانتان