ئەندرۆید 31, ئازار 2015

شیاومى ٥ بەرهەمى بەبۆنەى پێنجەم ساڵیادى دامەزراندنیەوە ڕاگەیاند

Xiaomi Poster

ئەمڕۆ کە دەکاتە ڕۆژى سێشەممەن کۆمپانیاى “شیاومى” چینى بەبۆنەى پێنجەم ساڵیادى دامەزراندنیەوە ٥ بەرهەمى نوێى لە چین ڕاگەیاند.

 

  • بەرهەمى یەکەم بریتیە لە وەشانى نوێى مۆبایلى ( Mi Note ) بەڕەنگى پەمەیی کە وەشانە کۆنەکەى ماوەیەک بەر لە ئێستا ڕاگەیاندرا.
"وەشانى ڕەنگ پەمەیی مۆبایلى Mi Note"
“وەشانى ڕەنگ پەمەیی مۆبایلى Mi Note”

وەشانە نوێکەى مۆبایلەکە بە سیستەمى ئەندرۆید کاردەکات و ڕوونماکەى ٥،٧ ئینجە و پشتگیرى تۆڕەکانى نەوەى چوارەم دەکات، بیرگەى ناوەکى مۆبایلەکە ١٦ گێگابایتە و پاتریەکەشى ٥٠٠٠ میلى ئەمپێرە لە کاژێرێک.

نرخى مۆبایلى Mi Note وەشانى ڕەنگ پەمەیى بریتیە لە ٤٠٣ دۆلارى ئەمەریکى.

———————————-

  • بەرهەمى دووەم بریتیە لە مۆبایلێکى هۆشمەندى نوێ بەناوى “Redmi 2A” مۆبایلەکە ڕوونمایێکى لەجۆرى IPS بەقەبارەى ٤،٧ ئینج و بەڕوونى 1280×720 پێکسڵ، ڕامى مۆبایلەکە ١ گێگابایتە و بیرگەى ناوەکى ٨ گێگابایتە.
"مۆبایلى هۆشمەندى نوێی Redmi 2A"
“مۆبایلى هۆشمەندى نوێی Redmi 2A”

مۆبایلەکە بە پرۆسێسەرێکى چوارى ناوەکى ١،٥ گێگاهێرتزى کاردەکات و کانێراى دواوەى ٨ مێگاپێکسڵە و کامێراى پێشەوەیشى ٢ مێگاپێکسڵە، وە بە پاتریێکى ٢،٢٠٠ میلى ئەمپێرى لە کاژێرێکدا کاردەکات.

مۆبایلى Redmi 2A پشتگیرى تۆڕەکانى نەوەى چوارەم دەکات و نرخەکەى تەنها ٩٦ دۆلارى ئەمەریکیە.

———————————-

  • وەهەروەها کۆمپانیاى شیاومى تەلەفزیۆنێکى بەناوى “Mi TV 2” ڕاگەیاند، کە قەبارەکەى ٥٥ ئینجە و بەتەکنیکى LED کاردەکات و پشگیرى تەکنیکى 4K دەکات، ئەمە جگە لەوەى کە تەلەفزیۆنە نوێکە بە سیستەمى ئەندرۆید کاردەکات و بڵندگۆیەکى بێ تەلى لەگەڵە، تەلەفزیۆنەکە نرخى ٨٠٦ دۆلارى ئەمەریکیە.
"تەلەفزیۆنى نوێى Mi TV2"
“تەلەفزیۆنى نوێى Mi TV2”

———————————-

  • وە هەروەها شیاومى تەرازوویێکى نوێى ڕاگەیاند کە پشتگیرى “بلووتوز” دەکات و چاودێرى پێوەرى بارستایی لەش دەکات، وەهەروەها ناردنى زانیارییەکان بۆ ئامێرە هۆشمەندەکان، کە ئەو تەرازووە نوێە کاردەکات لەگەڵ سیستەکانى iOS و Android و نرخى تەنها ١٦ دۆلارى ئەمەریکیە.
"تەرازووى شیاومى"
“تەرازووى شیاومى”

———————————-

  • پێنجەم بەرهەمیش بریتیە لە دابەشکەرى وزەى کارەبا بەناوى “Mi Power Strip” کە پێکهاتووە لە ٣ دەرکى دابەشکەرى کارەبا و ٣ دەرکى کێبڵى USB، تەرازوەکە تایبەتمەندى سەلامەتى لە بارى زیادى کارەباى تێدایە لەگەڵ دەلاقەیەکى ناوخۆیی بۆ پاراستنى منداڵان لە کارەبا. وە تەرازووەکە بەردەستە تەنها بەنرخى ٨ دۆلارى ئەمەریکى.
"دابەشکەرى وزەى کارەباى شیاومى بەناوى Mi Power Strip"
“دابەشکەرى وزەى کارەباى شیاومى بەناوى Mi Power Strip”

 

شیاومى ڕوونیکردەوە کە گشت بەرهەمەکان بەنرخى تایبەتى بەردەست دەبن لە ٨ـى مانگى ٤ لە وڵاتى چین، هاوکات کۆمپانیاکە ئاماژەى بە بڵاوکردنەوەى بەرهەمەکانیان لە بازاڕەکانى جیهان نەکردووە.

 

سەرچاوە: Aitnews

بۆچونی تۆ