ئەندرۆید 20, نیسان 2015

کۆمپانیای سۆنی بە فەرمی پەردەی لەسەر مۆبایلی Xperia Z4 لادا

Z4چەند کاتژمێرێک لەمەوبەر بە فەرمی و لە کۆنگرەیەکی تایبەتدا کۆمپانیای سۆنی پەردەی لەسەر ئامێری مۆبایلی زیرەک لە زنجیرەی ئێسکپێریا بەناوی ئێکسپێریا زی ٤ لادا. مۆبایلەکە شاشەیەکی قەبارە ٥.٢ ئینجی بە ڕوونی پڕ چڕی ١٩٢٠ بە ١٠٨٠ پێکسڵ لەسەرە. پڕۆسێسەرەکەی ٦٤ بتە و لە جۆری Snapdragon 810ـەیە. ڕامی ٣ گێگایە و بیرگەی ناوخۆیی ٣٢ گێگایە و جێگای کاردی ئێس دی هەیە کە تا ١٢٨ گێگابایت پشتگیری دەکات.

دەربارەی کامێرای پشتەوەی وا دیارە ٢٠.٧ مێگاپێکسڵە و هی پێشەوەیشی ٥.١ مێگاپێکسڵە بە هەبوونی تایبەتمەندی Optical Image Stabilization. پاتری ئەم مۆبایلە توانستەکەی ٢٩٣٠ میلی ئەمپێرە و سیستەمی کارگێریەکەی ئەندرۆید وەشانى ٥ کە ناسراوە بە لۆلیپۆپ (مەساسە) لەسەرە.

شایەنی باسە مۆبایلەکە بە ڕەنگی ڕەش و سپی و چۆکلاتی و سەوزیەکی ئاوی بەردەست دەبێت و ئەو مۆبایلە وەکو مۆبایلەکانی تر دژە ئاوە و بۆ قوڵی ١.٣ مەتر بۆ ماوەی ٣٠ خولەک لەژێر ئاو خۆی دەگرێت. ئەستوری ئەم مۆبایلە ٦.٩ملم و کێشەکەی تەنها ١٤٤ گرامە.

دەربارەی بەردەست بوونی لە بازاڕ، سۆنی تەنها ئەوەندەی ڕاگەیاندووە کە لە هاوینی ئەمساڵ لە یابان بڵاودەبێتەوە و سەبارەت بە شوێنەکانی تر و نرخی مۆبایلەکە هیچی نەدرکاندووە.

هەندێک لە وێنەی ئێسکپێریا زی ٤

 سەرچاوە Android Authority + Unlimited-tech

بۆچونی تۆ