ئەندرۆید 26, ئایار 2015

سامسۆنگ وەشانێکى نوێی لە مۆبایلى گەلاکسى ئێس ٦ ئێج ڕاگەیاند

Galaxy-S6-edge-Iron-Man-Limited-Edition_KV2

کۆمپانیاى سامسۆنگ بەهاوکارى لەگەڵ کۆمپانیاى (Marvel) وەشانێکى نوێێ تایبەت و سنووردارکراوى لە مۆبایلى گەلاکسى ئێس ٦ ئێج بە هەڵگرى دروشم و ڕەنگى زنجیرە فیلمەکانى Iron Manى بەناوبانگ ڕاگەیاند. ئەمەش بەبۆنەى سەرکەوتنى فیلمى the Avengers age of ultron کە بەرهەمى هەمان کۆمپانیایە.

وەشانە نوێ تایبەتیەکە بە دوو ڕەنگ (سوور و زێڕى) بەردەستە و دروشمى Iron Man لە پشتەوەى ئامێرەکەدا هەیە، وەشانەکە بڕێکى کەمى لێ بەرهەم دێت و چاپى سنووردارە. یادگەى ناوەکى وەشانە نوێکەى ئامێرەکە ٦٤ گێگابایتە و ڕووکارى تایبەت بەخۆى هەیە کە ڕەنگ و ئایکۆنەکانى زنجیرە فیلمەکەى لەخۆگرتووە. هەرچى بارگاوى کەرەوە بێتەلەکەى ئامێرەکەیە ڕەنگى سوورە و پارێزراوە بە ڕووپۆشێکى ڕوون.

Galaxy-S6-edge-Iron-Man-Limited-Edition_KV1-600x424

ئەم وەشانە سنوردارە لە ٢٧\٥ لە کۆریاى باشور دەخرێتە بازاڕەوە و لە مانگى حوزەیرانیش لە چین و هۆنگ کۆنگ بەردەست دەبێت. تاکو ئێستاش هیچ زانیاریێک دەربارەى نرخى ئەو وەشانە نوێیە نییە.

[youtube]https://youtu.be/wB6MId15cpo[/youtube]

 

سەرچاوە: Phonearena , GSMarena

بۆچونی تۆ