چارەسەركردنی دانەبەزینی بەرنامەی كراك كراو لە iTunesـەوە بۆ ئایفون

ئاشكرایە كە لە ئێستادا كێبەركێیەكی زۆر لە نێوان كۆمپانیاكانی بواری دروست كردنی مۆبایل دا هەیە كە پێشكەوتەكانیان بریتین لە ئەپڵ و نۆكیا و سۆنی كە بەردەوام هەوڵ دەدەن بتوانن خزمەتگوزاری باش پێشكەشی بەكارهێنەرانیان بكەن، دیارە ئەم خزمەتانەش بەردەوام لە پێشكەوتن دان و سەرەنجی بەكارهێنەران بۆلای خۆیان ڕادەكێشن، بەڵام لەگەڵ ئەوەشدا بەكارهێنەران تووشی كێشەی زۆۆردەبنەوە لە نەزانینی بەكارهێنانی ئەو مۆبایلانەدا ئەمەش بەهۆی زۆر جۆری سیستەمەكانەوە یە بۆیە ئێمەش لێرە هەوڵدەدەین ئەوكێشانەی كە ڕۆژانە توشی بەكارهێنەران دەبن لە سەر پەڕەكانی ئەم ماڵپەرە چارەسەرەكان بۆ ئێوەی خۆشەویست بڵاو بكەینەوە كە بەهیوای ئەوەین سودی بۆتان هەبێت.

لێرەوە دیارە كە وردە ووردە بەكارهێنەرانی ئایفۆن و ئایپۆد و ئایپاد لە زیاد بووندایە و كێشەی زۆریش ڕووبەڕووی بەكارهێنەران دەبێتەوە ،دیارە ئەو كێشەیەی كە ئێمەش باسی دەكەین یەكێكە لەوكێشانە كەبریتیە لە چارەسەركردنی كێشەی دانەبەزینی بەرنامەی كراك كرا و لە ئایتوونسەوە بۆ ئایفۆن و ئایپۆد و ئای پاد، جا بۆ چارەسەركردنی ئەم كێشەیە لەگەڵمان بن بۆ ئەنجامدانی ئەم هەنگاوانەی خوارەوە:
1-ئەوەی ئاشكرایە دەبێت پێشووتر ئایفۆنەكەت یان ئایپۆدەكەت جەیلبرەیك كرابێت ، بەمانایەكی تر جۆكەر و ئەنلووك كرابێت و Cydiaش لەسەر ئایفۆن یان ئایپۆدەكەت دابەزیبێت.
بۆ زانیاری:لەكاتی جەیل برەیك بەرنامەی Cydia دادەبەزێت.
2-پێویستە سۆرسی ئەم ماڵپەرە Cydia.hackulo.usلە سیدیادا زیادبكەین بەم شێوەیەی خوارەوە:





بۆ زانیاری:بەرنامەی سیدیا هەموو شتەكانی ناوی لەرێگەی ئینتەرنێتەوە دادەبەزن جا بۆیە تۆش پێویستە هێڵی ئینتەرنێتت هەبێت لە كاتی دابەزاندنی بەرنامە و فایلەكانی ناوی.
3-دوای زیادكردنی سۆرسەكە بڕۆ بەشی سێرچ لە سیدیادا و لە بۆشایی سێرچدا بنوسە appsync دەبینین چەند ڤێرشنێكت پێدەدات لەم بەرنامەیە، جا بۆیە تۆ پێویستە بزانیت ئایفۆن یان ئایپۆدەكەت ڤێرشنەكەی چەندە. دوای زانینی ڤێرشنی ئامێرەكەت ئەوا تۆ لەسەرتە ڤێرشنی گونجاو لە بەرنامەی ناوبراو دابگریت وەكو لەم چەند وێنەیەی خوارەوە:


بۆ زانیاری:بەم رێگەیە Setting>general>about(version) دەتوانیت بزانیت ڤێرشنی ئایفۆن یان ئایپۆدەكەت چەندە:

4-دوای دابەزینی بەرنامەی Appsync راستەوخۆ دوای دابەزین لەگەڵ تەواوبوون دوگمەی Return to cydia دابگرە بۆ گەرانەوە بۆ ناو سیدیا و سیدیا دابخەو ئایفۆن،ئایپۆدەكەت بكوژێنەوە و هەڵی بكەوە ئێستا دەتوانیت لە رێگەی ئایتوونەوە ئەوبەرنامانەی لە بازار بەسیدی دەفرۆشرێن یان ئەو بەرنامانەی كە لە ماڵپەرەكانی ئینتەرنێتەوە هەن جۆری كراككراو و واتە چالاككراو ئەو بەرنامانە دابەزێنیت.

سەردار عبدالله

مامۆستای زانکۆ و هەڵگری ماستەر لە فێرکردنی زمانی ئینگلیزی و تەکنەلۆژیا. ساڵانێکە هەواڵ و زانیاری بە زمانی کوردی دەنوسم و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە ١٤ ساڵە. هەروەک گرافیک دیزاینەریش خەونی منە! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!