10
ئەندرۆید 23, ته‌مموز 2015

سۆنی ڕووکارێکی تازه‌ تاقیده‌کاته‌وه‌ بۆ مۆبایله‌کانی ئێکسپێریا

Sonys-new-Concept-for-Android-UIکۆمپانیای سۆنی له‌سه‌ر داوای ژماره‌یه‌کی زۆر له‌ به‌کارهێنه‌رانی مۆبایله‌کانی ئێکسپێریا له‌ ماوه‌ی داهاتوودا ڕوکارێکی تازه‌ی بنیادنراو له‌سه‌ر وه‌شانی ئه‌ندرۆید ۵.۱ تاقیده‌کاته‌وه‌، ئه‌م ڕووکاره‌ ساده‌تره‌ له‌وه‌ی ئێستای ئێکسپێریا و زۆر له‌ ڕوکاری ئه‌ندرۆیدی بنه‌ڕه‌تی(ستۆک) ده‌چێت و ته‌نها چه‌ند شتێکی که‌می بۆ زیاد کراوه‌ وه‌ک هه‌ندێک له‌ ئه‌په‌کانی سۆنی.

Sonys-new-Concept-for-Android-UI2

له‌ ئێستادا تاقیکردنه‌وه‌که‌ ته‌نها بۆ ئه‌و که‌سانه‌یه‌ که‌ له‌ وڵاتی سویدن و مۆبایلی ئێکسپێریا زێد ۳یان هه‌یه‌ و ته‌نها ۵۰۰ که‌س ده‌توانن به‌شداری بکه‌ن. سۆنی له‌م تاقیکردنه‌وه‌یه‌دا سه‌رنج و ره‌خنه‌کانی ئه‌و ۵۰۰ که‌سه‌ وه‌رده‌گرێت و هه‌وڵ ده‌دات ڕوکاره‌ تازه‌که‌ به‌ته‌واوی به‌دڵی به‌کارهێنه‌ران بێت. ئه‌گه‌ری ئه‌وه‌ش هه‌یه‌ تاقیکردنه‌وه‌که‌ زیاتر په‌ره‌ بسه‌نێت و وڵاتانی تر و مۆدێلی تری ئێکسپێریاش بگرێته‌وه‌.

ئه‌گه‌ر به‌شداربوانی تاقیکردنه‌وه‌که‌ ئه‌م ڕوکاره‌ تازه‌یه‌یان به‌دڵ بێت ئه‌وا سۆنی له‌وه‌به‌دوا ده‌یخاته‌ جێی ڕوکاره‌که‌ی ئێستا و به‌کارهێنه‌ران ده‌توانن به‌ ئه‌پده‌یتکردنی سیسته‌مه‌که‌یان به‌ده‌ستی بهێنن. شایه‌نی باسه‌ گه‌وره‌ترین سودی ئه‌م گۆڕانکارییه‌ ئه‌وه‌یه‌ که‌ ئه‌گه‌ر سۆنی ئه‌م ڕوکاره‌ تازه‌یه‌ به‌کاربهێنێت ئامێره‌کانی ئێکسپێریا زووتر ئه‌پده‌یته‌کانی سیسته‌می ئه‌ندرۆیدیان پێده‌گات.

بۆچونی تۆ