سامسۆنگ تابلێتى Galaxy Tab A Plus ڕاگەیاند

ئەمڕۆ کۆمپانیاى سامسۆنگى کۆرى لە وڵاتى فەڕەنسا، تابلێتێکى نوێی بەناوى (Galaxy Tab A Plus) بە تایبەتمەندیێکى نێوەندى ڕاگەیاند، ئەوەى ئەو تابلێتە لەوانى تر جودا دەکاتەوە ئەوەیە کە یەکەم تابلێتى تایبەتمەند نێوەندییە کە پێنووسى (S Pen)ى تایبەت بە زنجیرەى (Note)ى لەگەڵ بێت.

تایبەتمەندییەکانى تابلێتى  Galaxy Tab A Plus:

• ڕوونماى ئامێرەکە ٩،٧ ئینجە لەجۆرى LCD بەڕوونى 768×1024 پێکسڵ.
• بە پرۆسێسەرێکى Ziilabs ZMS-08 چوار ناوکى و بەتەرەدودى ١،٢ گێگاهێرت کاردەکات.
• قەبارەى ڕامەکەى ٢ گێگابایتە.
• بیرگەى ناوەکى ١٦ گێگابایتە و تواناى زیادکردنى هەیە بەهۆى بیرگەى دەرەکى لەدۆرى microSD.
• کامێراى دواوەى ٨ مێگاپێکسڵە.
• کامێراى پێشەوەى ٢ مێگاپێکسڵە.
• تەنکى ئامێرەکە ٧،٥ ملیمەترە.
• هێزى پاتریەکەى ٦٠٠٠ میلى ئەمپێرە لە کاژێرێک.
• بە سیستەمى ئەندرۆید وەشانى ٥ کاردەکات.

تابلێتەکە بە ڕەنگى ڕەش و سپى لە بازاڕەکانى فەڕەنسا بەنرخى ٣٣٩ یۆرۆ بەردەستە بۆکڕین، پێشبینى دەکرێت لە ماوەیەکى نزیکدا بەهەمان نرخ لە بازاڕەکانى جیهاندا بەردەست بێت.

ژێدەر: Ardroid , Phonearena

دیاری شێرزاد

"خوێندکارى بەکالۆریۆسى زمان و ئەدەبى (ئینگلیزى)م لە ز.سەڵاحەددین، هاوکات بەڕیوەبەرى نووسین و نوسەرم لە کەى ئاى تى ئێن؛ به‌ شێوه‌یەكی گشتگیر له‌گه‌ڵ ته‌كنه‌لۆژیای تازه‌ تێكه‌ڵم، به‌ تایبه‌تیش له‌ سیسته‌مى وەگەڕخەرى مۆبایلە هۆشمەندەکان (ئەندرۆید). لەهەوڵدام بۆ ئەوەى هه‌موو تاكێكی كورد سوودمه‌ندبن له‌ ته‌كنه‌لۆژیا و شتێكی ئه‌وتۆ ده‌رباره‌ی ته‌كنه‌لۆژیا فێرببن و لەگەڵ پێشکەوتنەکانیدا بڕۆن، هاوکات هەواڵ و بابەتە گەرمەکانى ڕۆژانەى تەکنەلۆژیا بەزمانێکى پاراو و پەتى کوردى بخوێننەوە".