سامسۆنگ وادەى گرێدانى دووەمین کۆنگرەى ئەمساڵى خۆى دیاریکرد

ئەمڕۆ سێشەممە کۆمپانیاى سامسۆنگى کۆرى وادەى گرێدانى دووەمین کۆنگرەى (Unpacked)ى ئەمساڵى خۆى لەژێرناوى Samsung Galaxy Unpacked 2015 دیاریکرد.

کۆنگرەکە ١٣ى مانگى ئاب/٨ لە شارى نیویۆرکى ویلایەتە یەکگرتوەکانى ئەمریکا گرێدەدرێت، کۆنگرەکە کاژێر ٦ى ئێوارە بەکاتى هەرێمى کوردستان دەستپێدەکات، چاوەڕوان دەکرێت لەمیانەى کۆنگرەکەدا سامسۆنگ ٢ بەرهەمى نوێ بەناوەکانى Galaxy Note 5 و Galaxy S6 edge Plus ڕابگەیەنێت.

جێگەى ئاماژە پێدانە یەکەمین کۆنگرەى Unpackedى ئەمساڵى سامسۆنگ لە ١ مانگى ئازار/٣ بەستراو تێیدا سامۆسنگ هەریەکە لە Galaxy S6 و S6 edgeى ڕاگەیاند.

سامسۆنگ پەخشى ڕاستەوخۆى کۆنگرەکەى لەسەر کەناڵى فەرمى خۆى لە پێگەى یوتیوب دەگوازێتەوە و پشت بەخوا ئێمەش ئەوکات چرکە بە چرکە لەگەڵتان دەبین و ڕووماڵى کۆنگرەکەتان بۆ دەکەین.

دیاری شێرزاد

"خوێندکارى بەکالۆریۆسى زمان و ئەدەبى (ئینگلیزى)م لە ز.سەڵاحەددین، هاوکات بەڕیوەبەرى نووسین و نوسەرم لە کەى ئاى تى ئێن؛ به‌ شێوه‌یەكی گشتگیر له‌گه‌ڵ ته‌كنه‌لۆژیای تازه‌ تێكه‌ڵم، به‌ تایبه‌تیش له‌ سیسته‌مى وەگەڕخەرى مۆبایلە هۆشمەندەکان (ئەندرۆید). لەهەوڵدام بۆ ئەوەى هه‌موو تاكێكی كورد سوودمه‌ندبن له‌ ته‌كنه‌لۆژیا و شتێكی ئه‌وتۆ ده‌رباره‌ی ته‌كنه‌لۆژیا فێرببن و لەگەڵ پێشکەوتنەکانیدا بڕۆن، هاوکات هەواڵ و بابەتە گەرمەکانى ڕۆژانەى تەکنەلۆژیا بەزمانێکى پاراو و پەتى کوردى بخوێننەوە".