گەرمترین 20, تشرینی یه‌كه‌م 2016

کۆداک مۆبایلە نوێکەی بەناوی Ektra ڕاگەیاند

cvmxfslxyaaw5v5-660x330

کۆمپانیای کۆداکی تایبەتمەند لەبواری کامێرادا بەفەرمی پەردەی لەسەر مۆبایلی Kodak Ektra لادا. ئەم مۆبایلە یەکەم مۆبایلی کۆداکە و بەمەش کۆداک بەفەرمی دێتە ناو بازاڕی مۆبایلە هۆشمەندەکانەوە.

شایەنی باسە، کۆداک لەم مۆبایلەیدا ئامانجی سەرەکی لە خۆشەویستانی خۆیەتی و هەروەها هەوادارانی بواری فۆتۆگرافیش چونکە لەم مۆبایلەدا کۆداک جەختی تەواوی لە کامێرا کردووە ئەمە جگە لەوەی چەندین توانستی تر کە ڕێگە بە جوانی گرتنی وێنە و دەستکاری کردنی دەدەن لە کامێرای ئەم مۆبایلە فەراهەم کراوە. تایبەتمەندییەکانی مۆبایلەکەش لە ئاستێکی باشدان و بفەرموون لەخوارەوە خوێنەری تایبەتمەندییەکان بن:

  • ڕوونما: قەبارەی ٥ ئینجە و ڕوونیەکەی ١٠٨٠ بە ١٩٢٠ پێکسڵە
  • پڕۆسێسەر: دە ناوکییە و لە جۆری میدیاتێک Helio X20
  • ڕام: ٣ گێگابایت
  • بیرگە: ٣٢ گێگابایتە و توانای زیادکردنی هەیە لەڕێگەی دەرچەی دەرەکی بۆ کاردی ئێس دی
  • کامێرای پشتەوە: بە ڕوونی ٢١ مێگاپێکسڵ و فەتحەی f/2.0 و هەستەوەری سۆنی IMX230 لەگەڵ تایبەتمەندی OIS هەروەها توانای تۆمارکردنی گرتەی ڤیدیۆیی هەیە بە ڕوونی 4K .
  • کامێرای پێشەوە: ١٣ مێگاپێکسڵ
  • باتری: ٣٠٠٠ ملی ئەمپێرە و پشتگیری خێرابارگاوی بوونەوەش دەکات.
  • سیستەمی وەگەرخەر: ئەندرۆید ٦ مارشماڵۆو

مۆبایلەکە دیزاینێکی جوان و قەشەنگی هەیە بە بوونی کەڤەری لە پێست دروستکراو و لەمانگی ١٢ـی ئەمساڵ بە نرخی ٤٩٩ یۆرۆ بۆ فرۆشتن بەردەست دەبێت.

kodak

تاگەکان ئەندرۆید Ektra Kodak
بۆچونی تۆ