کۆمپانیای شاومی هەردوو مۆبایلی Redmi 6 و Redmi 6A ڕادەگەیەنێت

دوای ڕاگەیاندنی مۆبایلی می ٨ لە کۆتایی مانگی پێنجەمدا کە دەتوانن لێرەوە ئاشنا ببن بە تایبەتمەندیەکانی (کۆمپانیای شاومی ٣ جۆر لە مۆبایلی Mi 8ـی بە تایبەتمەندی بەرز ڕاگەیاند) ئەمڕۆ کۆمپانیای شاومی هەستا بە ڕاگەیاندنی دوو مۆبایلی نوێ کە ئەوانیش Redmi 6 و Redmi 6A ـە کە لە جۆری تایبەتمەندی ئاست مامناوەندە و نرخێکی کەمی هەیە.

گرنگترین تایبەتمەندیەکانی مۆبایلی Redmi 6:-

• ڕوونما: IPS LCD بە قەبارەی ٥.٤٥ ئینچ و بە دووری ١٨:٩ و بە کوالێتی ١٤٤٠×٧٢٠ پێکسڵ
• پڕۆسێسەر: چوار ناوکی لە جۆری MediaTek Helio P22 و بە لەرەی ٢.٠ گێگاهێرتز
• ڕام: ٣ یان ٤ گێگابایت
• بیرگەی ناوەکی: ٣٢ یان ٦٣ گێگابایت و دەتواندرێت لە ڕێگەی بیرگەی دەرەکیەوە زیاد بکرێت
• کامێرای پشتەوە: دوو کامێرا سەرەکیەکەیان بە کوالێتی ١٢ مێگاپێکسڵ و ئەوی دیکەشیان بە کوالێتی ٥ مێگاپێکسڵ
• کامێرای پێشەوە: ٥ مێگاپێکسڵ
• سیستمی کارپێکەر: ئەندرۆید ئۆریۆ ٨.٠ و بە ڕووکاری EMUI 9.0
• توانستی باتری: ٣٠٠٠ میللی ئەمپێر
• پەنجەمۆر: جێگیر کراوە لە بەشی پشتەوەی مۆبایل
• کێش: ١٤٦ گرام
• ڕەنگ: خۆڵەمێشی و ئاڵتونی و پەمەیی و شین

لە بارەی نرخەوە شاومی دەیەوێت مۆبایلەکە بە نرخی ١٢٤ دۆلار بێت بۆ جۆری ڕام ٣ گێگابایت و بیرگەی ٣٢ گێگابایت وە بە نرخی ١٥٦ دۆلار بۆ جۆری ڕام ٤ گێگابایت و بیرگەی ٦٤ گێگابایت.

گرنگترین تایبەتمەندیەکانی مۆبایلی Redmi 6A:-

• ڕوونما: IPS LCD بە قەبارەی ٥.٤٥ ئینچ و بە دووری ١٨:٩ و بە کوالێتی ١٤٤٠×٧٢٠ پێکسڵ
• پڕۆسێسەر: چوار ناوکی لە جۆری MediaTek Helio A22 و بە لەرەی ٢.٠ گێگاهێرتز
• ڕام: ٢ گێگابایت
• بیرگەی ناوەکی: ١٦ گێگابایت و دەتواندرێت زیاد بکرێت لە ڕێگەی بیرگەی دەرەکیەوە
• کامێرای پشتەوە: ١٣ مێگاپێکسڵ
• کامێرای پێشەوە: ٥ مێگاپێکسڵ
• توانستی باتری: ٣٠٠٠ میللی ئەمپێر
• سیستمی کارپێکەر: ئەندرۆید ئۆریۆ ٨.٠ و بە ڕوکاری EMUI 9.0
• پەنجەمۆر: نییە
• کێش: ١٤٥ گرام
• ڕەنگ: خۆڵەمێشی و ئاڵتونی و پەمەیی و شین

لە بارەی نرخەوە شاومی دەیەوێت مۆبایلەکە بە نرخی ٩٥ دۆلار بێت و سەبارەت بە کاتی بەردەست بوونی هەردوو مۆبایلەکە ئەوا لە بەرواری ٢٠١٨/٦/١٥ ـەوە دەبێت.

هاوژین یونس

ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.