10
ئای ئۆ ئێس 17, ئاب 2018

یاری PUBG Mobile لە ڕێژەی داگرتندا ژمارەی پێوانەیی تۆمار دەکات

کەمتر لە ٤ مانگە بیرۆکەیەکی نوێ کەوتووەتە جیهانی یاری مۆبایل کە ئەویش یاری پەبجی مۆبایلە. ئەو بیرۆکە جیاوازە بوو کە ئێستا هەموو کەسێک یاری پێدەکات. لەم ماوە کەمەدا و لەسەر مۆبایلەکانی سیستەمی ئەندرۆید و iOS یارییەکە ١٠٠ ملیۆن جار داگرتنی تۆمارکردووە. پێشتریش ئەم ڕێژەیە لەلایەن فۆرتنایتەوە تۆمارکرا، بەڵام فۆرتنایت تەنیا لەسەر سیستەمی iOS بەردەستە.

یاری PUBG یان “PlayerUnknown’s Battlegrounds”یه‌كێكه‌ له‌ یاریه‌سەرهێڵەکان و جۆرەکەی بریتییە لە هەوڵدان بۆ مانەوە لە ناو ١٠٠ یاریزاندا. لە لایەن کۆمپانیاى Bluehole ەوە گەشەپێدراوە بەڵام دواتر لەلایەن کۆمپانیای تێنسێنتەوە خراوەتە سەر مۆبایلەکان. دەتوانیت لەگەڵ ٣ هاورێت وەکو دەستەیەک یاری بکەیت و ئەمەش هۆکارێکە بۆ سەرکەوتوویی یارییەکە.

زانیارى دەربارەى یارى PUBG

جگە لەوەی لە ڕێژەی داگرتندا ژمارەیەکی پێوانەیی تۆمارکردووە، ڕۆژانە ١٤ ملیۆن یاریکەری چالاکی هەیە و ئەمەش لە زۆرترین ڕێژەکانە بۆ مۆبایلەکان. یاری پەبجی لەسەر مۆبایلەکان چەندین کەلوپەلی تێدایە لەوانە جلوبەرگ و ڕووکاری چەکەکان کە لە هەر نوێکردنەوەیەکدا شتی نوێ و جیاواز بۆ یاریکەران بەردەست دەکات. لە چەند ڕۆژێکی تریشدا وەرزی نوێ لە یارییەکە دەستپێدەکات. لەگەڵ کام هاوڕێت زۆرتر یارییەکە دەکەیت؟

بۆچونی تۆ