10
ئای ئۆ ئێس 22, كانونی یه‌كه‌م 2018

وەشانی نوێی فەرهەنگی ڕستەیی +Rebin Dict بە کۆمەڵێک نوێکارییەوە بۆ ئای ئۆ ئێس بڵاوکرایەوە

لە دوای ئەوەی لە ڕۆژی ٩ی کانوونی دووەمی ئەمساڵدا گەشەپێدەری بەتوانای کورد (ڕێبین عەلی) یەکەمین فەرهەنگی ئینگلیزیی بۆ کوردی و بە پێچەوانەوە و بە نمونەی ڕستەییەوە بەناوی “+Rebin Dict” بۆ سیستەمی ئای ئۆ ئێس بەردەستکرد، و لەپاشان بۆ  ئەندرۆید، لە وەشانە نوێیەکانی چەند مانگی ڕابردوودا چەند تایبەتمەندییەکی نوێ زیادکران و هەزاران ڕستە و وشە پێداچوونەوەیان بۆ کرا و چەندانی تریش زیادکران.

گشت تایبەتمەندییەکانی فەرهەنگی ڕستەییRebin Dict +

ئەمڕۆ فەرهەنگەکە وەشانی ژمارە ٣.٠ی لێ بەردەستکرا بۆ سیستەمیiOS، کە خۆی لە زیادکردنی چەند نوێکارییەک دەبینێتەوە، ئەوانیش:

  • نوێکردنەوەی بەشی کامێرا

لەمەودوا دەتوانرێت بە بەکارهێنانی وێنەی ئامادە و چرکاندی وێنە وەرگێڕان لە وشەی سەر وێنەکان بکەیت، کە پێشتر تەنها دەتوانرا لە ڕێگای وێنەی ڕاستەوخۆ و کامێرا خستنە سەر وشەکان وەرگێڕان لەسەر وێنە ئەنجام بدرابایە.

  • زیادکردنی ٣٠٠٠ ڕستەی نوێ

لەم وەشانە نوێیەدا دەتوانن سوود وەربگرن لە ٣٠٠٠ ڕستەی نوێ لە پاڵ ڕستەکانی تردا.

  • پێداچوونەوە بەسەر هەڵەکاندا

چاککردنی چەند هەڵە و کەموکوڕیەک لە مانای وشەکان و ڕستەکاندا، کە لە وەشانەکانی پێشوودا بە شێوەیەک لە شێوەکان بەدیدەکران.

  • چارەسەر کردنی داخرانی ئەپەکە لەکاتی چوونە سەر بەشی کوردی بۆ ئینگلیزی

 

ئەم وەشانەی فەرهەنگەکە تاوەکو ئێستا بۆ سیستەمی ئای ئۆ ئێس بەردەستکراوە، و نازانرێت کەی بۆ ئەندرۆیدیش بەردەست دەکرێت.

كرته‌ بكه‌ بۆ نوێكردنه‌وه‌ی فه‌رهه‌نگه‌كه‌ بۆ ئای ئۆ ئێس.

بۆچونی تۆ