سەرچاوەیەک: دەستکرا بە بەرهەمهێنانی بارگاویکەری بێوایەری AirPower (نوێکراوە)

ئەپڵ لە ساڵی ٢٠١٧ ـەدا لەگەڵ ئامێرەکانی ئایفۆن ئێکس و ئایفۆن ٨، بارگاویکەری بێوایەری AirPower ـیشی نمایشکرد، بەڵام لەو کاتەوە ئامێرەکە نەخراوەتەوە بازاڕەوە و هیچ هەواڵێکی فەرمی لە لایەن ئەپڵیشەوە دەربارەی کاتی بەردەستکردنی ئامێرەکە نەخرابووە ڕوو، سەرچاوەیەک ئاشکرای دەکات کە لە لایەن کۆمپانیایەکەوە دەستکراوە بە بەرهەمهێنانی ئامێری AirPower بۆ ئەپڵ.

هەژماری ChargerLAB‏ لە تویتەر وێنەی گفتوگۆی کارمەندێکی کۆمپانیای بەرهەمهێنەری چینی Luxshare Precision ـی لە WeChat بڵاوکردۆتەوە و کارمەندەکە ئاماژە دەدات بەوەی کە ئامێری AirPower بەمنزیکانە بەردەست دەکرێت و کۆمپانیای Luxshare دەستی کردووە بە بەرهەمهێنانی ئامێرەکە.

Breaking: AirPower is finally coming. We just learned from credible source in supply chain that the manufacture Luxshare Precision has already started producing Apple AirPower wireless charging pad. Luxshare Precision is also the maker of Apple AirPods and USB-C cables. pic.twitter.com/UqgWIAh3sx

— ChargerLAB (@chargerlab) January 12, 2019

دووبارە هەمان سەرچاوە وێنەی گفتوگۆیەکی بڵاوە پێکردووە کە لە لایەن فەرمانبەرێکی کۆمپانیای Pegatron بووە (کۆمپانیایەکی بەرهەمهێنەری ئامێرەکانی ئەپڵە لە ئاسیا) و فەرمانبەرەکە ئاماژە بە جۆری کۆیلی کارەبای نێو ئامێرەکە دەدات و ئاشکرای دەکات ئامێرەکە خاوەنی ٣ کۆیل دەبێت و کۆیلێکیان پێکدێت لە ٨ چین و دوانەکەی تر پێکدێن ٧ لە چین.

Apple AirPower: Another source claims Pegatron is set to start mass produce AirPower at Jan 21. Pegatron is also an Apple OEM in Asia. The company employee says AirPower has total three layers of coils in 8-7-7 configuration from bottom to top. pic.twitter.com/xsboO47PGR

— ChargerLAB (@chargerlab) January 12, 2019

هەندێک سەرچاوە لە ڕابردوودا هۆکاری دواکەوتنی بەردەستکردنی ئامێرەکەی ئەپڵیان بۆ هەبوونی کێشەی کارەبایی دەگەڕاندەوە لە ئامێرەکەدا، Steve Troughton-Smith لە جریوەیەکدا ئاماژە دەدات کە گوێبیستی چارەسەرکردنی کێشەکانی ئامێرەکە بووە.

https://twitter.com/stroughtonsmith/status/1079868533889290240

کۆمپانیای چینی Luxshare Precision بەرهەمهێنەری ئامێرەکانی AirPods و کەیبڵە USB-C ـییەکانی ئەپڵە. بەپێی سەرچاوەکە بێت، لەمساڵدا ئامێرە پشتگوێ خراوەکەی ئەپڵ بەردەست دەکرێت، بەڵام هیچ کام لە سەرچاوەکان لە پێشوودا ئاماژەیان بە نرخی بارگاویکەرە بێوایەرەکەی ئەپڵ نەداوە و پێشبینی ناکرێت نرخی ئامێرەکە لە خوار ١٠٠ دۆلارەوە بێت.

نوێکراوە(٢٠١٩/١/١٦): ئەپڵ ئاماژەی دا بە پشتگیری کردنی بەرگە پاترییە زیرەکە نوێیەکانی لە ئامێری AirPower. ئەمەش هەواڵەکە پشتڕاست دەکاتەوە و کاتی بەردەستکردنی بارگاویکەرە بێوایەرەکەی ئەپڵ نزیک بۆتەوە.