ئەپڵ

ئەپڵ 7 مۆدێلی نوێی ئایپادی لە EEC تۆمار کرد

پڕوپاگەندەکان بەردەوامییان هەیە سەبارەت بە ئایپادە نوێیەکانی ئەمساڵی ئەپڵ، وەکو لە پێشوودا ئاماژەمان پێکردبوو کە ئەپڵ بەنیازە 2 ئاپیادی نوێ لە ئەمساڵدا بەردەست بکات. ئەپڵ 2 ئاپیادە نوێیەکەی لە داتابەیسی لیژنەی دارایی ئۆراسی (Eurasian Economic Commission) بە 7 مۆدێلی جیاواز تۆمار کرد.

ئەو 7 مۆدێلەی 2 ئاپیادە نوێیەکە کە ئەپڵ لە داتابەیسەکەی Eurasian Economic Commission ـدا تۆماری کردوون بریتین لە ؛ A2123 ، A2124 A2126 ، A2153 ، A2154 ، A2133 ، A2152.

ئەم 7 ژمارە مۆدێلە 2 ئایپادە نوێیەکە پێکدەهێنن کە جۆری وایفای و بە سیمکارتیان تێدایە، هەروەها هیچکام لە ئایپادەکان خاوەن ناسێنەرەوەی دەمووچاو Face iD نین.

بە پێی دواین پڕوپاگەندەکان، ئەپڵ لە مانگی 3 ـی ئەمساڵدا نەوەی پێنجەمی زنجیرەی iPad Mini و ئایپادێکی 9.7 یاخود 10 ئینجی نمایش دەکات.

لە پێشوودا ئامێرەکانی ئایپاد و ئایپاد پڕۆیەکان و ئایفۆن ٧ و ٧ پڵەس و ئەپڵ واچ ٢ و ٤، هەروەها AirPods و مۆدێلەکانی 2018 ـی ماکبووک پڕۆ لە لایەن لیژنەی دارایی ئۆراسی (Eurasian Economic Commission) ـەوە تۆمار کراون.

سەرچاوە:

26 كانونی دووه‌م، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. لەگەڵ جیهانی تەکنەلۆژیادا تێکەڵم و ئاگاداری دواین هەواڵەکانی تەکنەلۆژیام بە گشتی. خولیام بۆ ته‌كنه‌لۆژیا وای كرد كه‌ له‌ كه‌ی ئای تی ئێن درێژە بە خزمەتەکانم بدەم و بەردەوامبم لە گەیاندنی هەواڵە گرنگ و نوێیەکانی تەکنەلۆژیا بە شێوەیەکی درووست بە خوێنەرانی کورد.
244