10
ئەپڵ 4, ئازار 2019

سامسۆنگ دەیەوێت ڕوونمای چەماوەیی بە ئەپڵ و گووگڵ بفرۆشێت

لە دوای ئەوەی لە چەند ڕۆژی ڕابردوودا سامسۆنگ مۆبایلی چەماوەی گالەکسی Fold ـی نمایشکرد، کۆمپانیاکە دەیەوێت ڕوونما چەماوەکەی مۆبایلەکەی بە کۆمپانیا زەبەلاحەکانی دیکە بفرۆشێتەوە.

بە پێی ڕاپۆرتێکی پێگەی ETNews ـی کۆری، سامسۆنگ لە ئێستادا 2.4 ملیۆن ڕوونمای چەماوە لە هەر ساڵێکدا بەرهەم دەهێنێت، کۆمپانیاکە دەیەوێت ئەم بەرهەمهێنانە بەرز بکاتەوە بۆ 10 ملیۆن ڕوونمای چەماوە لە ساڵێکدا. هەر بۆیە سامسۆنگ پێشنیاری بۆ کۆمپانیای ئەپڵ و گووگڵ کردووە تاوەکو ڕوونمای چەماوەیان پێ بفرۆشێت.

ئەو ڕوونمایەی کە سامسۆنگ پێشنیاری فرۆشتنی بە سامسۆنگ و گووگڵ کردووە، قەبارەی 7.2 ئینجە و تەنها 0.1 بچووکترە لە ڕوونمای گالەکسی Fold. لە پێشوودا ئەپڵ و گووگڵ ئارەزووی خۆیانیان دەرخستووە بە بەرهەمهێنانی مۆبایلی ڕوونما چەماوە. هەر بۆیە ڕەنگە ئەپڵ ڕەزامەند بێت بە کڕینی ڕوونمای چەماوە لە سامسۆنگ. وەکو لە پێشوودا کە ئەپڵ ملیۆنان ڕوونمای OLED ـی لە سامسۆنگ کڕی بۆ ئایفۆن X و XS و XS Max.

وا پێدەچێت ڕوونما چەماوەییەکەی سامسۆنگ نەبێتە جێی ڕەزامەندی 2 کۆمپانیا زەبەلاحەکە، لە کاتێکدا کە مۆبایلی چەماوەیی هواوەی Mate X لە گۆڕەپانەکەدا بێت و ڕوونماکەی سەرکەوتوو تر بێت لە گالەکسی Fold.

سەرچاوە :
بۆچونی تۆ