کۆمپیوتەر

مایکرۆسۆفت Surface Book 2 ـی نوێی بە پڕۆسێسەری نەوەی هەشتەمی ئینتێڵەوە ئاشکراکرد

لە دوای نزیکەی 2 ساڵ لە بەردەستکردنی کۆمپیوتەری Surface Book 2 لە لایەن کۆمپانیای مایکرۆسۆفتەوە، کۆمپانیاکە کۆمپیوتەرەکەی بە دواین جۆری پڕۆسێسەری نەوەی هەشتەمی کۆمپانیای ئینتێڵەوە نوێکردەوە.

نوێکردنەوە بۆ جۆری قەبارە 13.5 ئینجی کۆمپیوتەرەکە کراوە. Surface Book 2 ـە نوێکراوەکە خاوەن پڕۆسێسەری نەوەی هەشتەمی Intel i5 ـە بە خێرایی 1.7 و 3.6 گێگا هێرتز، هەروەها ڕامێکە بە فراوانی 8 گێگابایت لەگەڵ بیرگەیەکی ناوەکی بە قەبارەی 256 گێگابایت.

نرخی جۆرە نوێیەکەی کۆمپیوتەری Surface Book 2 لە 1.499$ ـەوە دەستپێدەکات. کۆمپانیاکە لە ڕێکەوتی 14 ـی ئەم مانگە و لە بۆنەیەکی تایبەتدا لە شاری نیو یۆرکی ئەمریکا کۆمپوتەرە نوێکراوەکە دەناسێنێت، وا بڕیارە هەر لە کۆنگرەکەدا مایکرۆسۆفت ڕێکەوتی بەردەستکردن و نرخی تەواوەتی کۆمپیوتەرە نوێکراوەکەی ئاشکرا بکات.

2 نیسان، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
517