فەیسبووک

ئینستەگرام کار لەسەر نوێکردنەوەی بەشی کامێرای ئەپەکەی دەکات

ئەمڕۆ کۆمپانیای فەیسبووک کۆنگرەی ساڵانەی لە ژێر ناوی F8 ئەنجامدا. لە پاڵ ڕاگەیاندنی نوێکارییەکان بۆ خزمەتگوزاری فەیسبووک، ئینستەگرامیشی پشتگوێ نەخست و دیزاینی بەشێکی گۆڕی.

فەیسبووک ڕایگەیاند کە دیزاینێکی نوێ لە بەشی کامێرای ئەپی ئینستەگرام بەردەست دەکات. لە دیزاینە نوێیەکەدا کردنەوەی فلتەر و AR ـەکان ئاسانتر کراون، هەروەها دەتوانرێت پۆست بە نەخشاندن درووست بکرێت بەدەر لە وێنە و ڤیدیۆ. بە گشتی لە دیزاینە نوێیەکەی بەشی کامێرای ئەپەکەدا بەشەکان یەک خراون بۆ کۆمەڵەیەک، بە پێچەوانەی ئێستا کە چەند بەشێک بە شێوەی کۆمەڵە نین.

دیزاینە نوێیەکەی بەشی کامێرای ئینستەگرام بەمنزیکانە دەگات بە دەستی سەرجەم بەکارهێنەرانی ئەپەکە.

سەرچاوە :
1 ئایار، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
508