ئەندرۆید

وەشانی نوێی Android Q دەتوانێت لێدوانەکانی ڤیدیۆ و دەنگەکان ڕاستەوخۆ بکات بە نووسین

کۆنگرەی دوێنێی Google I/O ـی گووگڵ پڕبوو لە نمایشکردن و ناساندنی ناوازە. ناساندنی تایبەتمەندی لێدوانی ڕاستەوخۆ (Live Caption) ـیش بەشێک بوو لە ناساندنەکانی کۆنگرەکە و یەکێک بوو لە تایبەتمەندییە نوێیەکانی وەشانی نوێی Android Q.

لەگەڵ تایبەتمەندییە نوێیەکەدا، دەتوانیت ڕاستەوخۆ قسەکانی نێو دەنگ و ڤیدیۆکان بە شێوەی نووسین ببینیت، تایبەتمەندییەکە لەگەڵ گشت پەڕگە دەنگی و ڕەنگییەکانی ئامێرەکاندا کار دەکات، هەروەها پشتگیری لە ئەپەکانی وەک یوتیوب و هاوشێوەکانی دەکات. لەگەڵ ئەوەشدا تایبەتمەندییەکە لە کاتی پەیوەندی ڤیدیۆیشدا کار دەکات لە ئەپەکانی وەک سکایپ و هاوشێوەکانی. تەنانەت دەتوانرێت سوود لە تایبەتمەندییەکەش ببیندرێت لە تۆمارە دەنگییەکانت.

نووسینەکان لە نێو چوارچێوەیەکی ڕەشدا بە دیار دەکەون، دەتوانرێت بگوازرێتەوە بۆ هەر شوێنێکی سەر ڕوونماکە. هاوکات تایبەتمەندییەکە وەکو وەرگێڕێک کار دەکات. بۆ ئەو کەسانە بەسوودە کە توانای بیستیان لاوازە یاخود لەو کاتانەی کە ڤیدیۆکان پڕ لە ژاوەژاو دەبن.

تایبەتمەندییەکە بە یارمەتی ژیری دەستکرد کاردەکات، بێگومان شایەنی ئەوەیە لە داهاتوودا باشتر بکرێت.

سەرچاوە :

8 ئایار، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
508