ئۆپۆ 19, ئایار 2019

ئۆپۆ مۆبایلی Oppo A9xـی بە کامێرای 48 مێگاپێکسڵ و پاتری 4020 ملی ئەمپێرەوە ڕاگەیاند

کۆمپانیای ئۆپۆ وەک ئاشکرایە مۆبایلی Oppo A9ـی لە مانگی ڕابردوودا ڕاگەیاند بەڵام لە ئێستادا ناوبراو جۆرێکی باشترکراوی لە مۆبایلەکە نمایشکرد بە ناوی Oppo A9x. لە ڕووی تایبەتمەندیەوە هەردوو مۆبایلەکە تا ڕادەیەکی زۆر هاوشێوەی یەکن بەڵام جیاوازییە گەورەکە لە هاوێنەی Oppo A9xـدایە کە 48 مێگاپێکسڵە و لە مۆبایلی Oppo A9ـیشدا تەنها 16 مێگاپێکسڵە.

جیاوازییەکەی تریش لە پاتری ئامێرەکەدایە، لێرەدا مەبەستمان لە توانستی پاتری نییە چونکە هەردوو مۆبایلەکە هەمان توانستیان هەیە ئەویش 4020 ملی ئەمپێرە بەڵکو مەبەستمان لە خێرایی بارگاویکردنەوەیە، بە شێوەیەک مۆبایلی Oppo A9x پشتگیری لە بارگاویکەرەوەیەکی خێرا دەکات لە جۆری VOOC 3.0 بەڵام ئەمە لە مۆبایلی Oppo A9ـدا بوونی نییە.

گرنگترین تایبەتمەندیەکان:-

  • ڕوونما: لە جۆری LTPS IPS LCD و بە قەبارەی 6.53 ئینج و بە ڕوونی 1080×2340 پێکسڵ و بە دووری 19:5:19
  • پڕۆسێسەر: Helio P70
  • پڕۆسێسەری گرافیک: Mali-G72
  • سیستمی وەگەڕخەر: ئەندرۆید پای 9.0 بە ڕووکاری ColorOS 6
  • بیرگە: 128 گێگابایت و دەتوانرێت لە ڕێگای بیرگەی دەرەکی microSDـەوە زیادبکرێت هەتاوەکو 256 گێگابایت
  • ڕام: 6 گێگابایت
  • کامێرای پێشەوە: 16 مێگاپێکسڵ
  • کامێرای پشتەوە: دوو کامێرا بە ڕوونی 48+2 مێگاپێکسڵ
  • توانستی پاتری: 4020 ملی ئەمپێر و پشتگیری لە بارگاویکەرەوەی خێرا دەکات لە جۆری VOOC 3.0 بە خێرای 20 وات
  • ڕەنگ: ڕەش و سپی
  • پاراستن: هەستەوەری پەنجەمۆر جێگیرکراوە لە بەشی پشتەوە
  • نرخ: 2000 یوانی چینی / 289 دۆلاری ئەمریکی
  • بەرواری بەردەستبوون: 21/5/2019 لە چین

سەرچاوە:-

  • GSM Arena
تاگەکان Oppo A9x
بۆچونی تۆ