وەشانی iPadOS 13 پشتگیری لە ماوسە بە وایەر و بێوایەرەکان دەکات

لە وەشانی نوێی iPadOS 13 ـەدا کە لە چەند ڕۆژی ڕابردوودا ئەپڵ ڕایگەیاند، چەندین گۆڕانکاری و نوێکاری ئەنجامداوە. یەکێک لەو گۆڕانکاری و نوێکارییانە، زیادکردنی پشتگیری ماوسە بە وایەر و بێوایەرەکانە بۆ ئامێرەکانی ئایپاد.

بەڕێز Steve Troughton-Smith لە تویتەردا جریوەیەکی بڵاوکردۆتەوە و تێیدا ئاماژەی بەوە داوە کە تایبەتمەندییەکی شاراوەی لە بەشی AssistiveTouch ـی ئەپی Settings لە ئایپاددا دۆزیوەتەوە، ئەویش زیادکردنی پشتگیری ماوسە بە وایەر و بێوایەرەکانە. بەو مانایەی کە دەتوانرێت ماوسە بە وایەر و بێوایەرەکان و ئامێری Apple Magic Trackpad پەیوەستی ئایپاد بکرێت و بتوانرێت لە ڕێگایەوە جوڵەی نێو ئامێرەکەی پێ ئەنجام بدرێت. هەروەها نیشاندەری ماوس وەکو فشاری پەنجە نیشان دەدرێت.

https://twitter.com/stroughtonsmith/status/1135653636145590273

بۆ پەیوەستکردنی ماوسە بە وایەر و بێوایەرەکان بە ئایپادەوە، ئەم هەنگاوانە ئەنجامبدە:

• کردنەوەی ئەپی Settings
• کردنەوەی بەشی Accessibility
• کردنەوەی بەشی AssistiveTouch

وەشانی iPadOS 13 لە ئێستادا بە شێوەی تاقیکاری بەردەستە بۆ گەشەپێدەران و لە مانگی داهاتووشدا بە شێوەی تاقیکاری گشتی بەردەست دەکرێت، هەروەها لە پایزی ئەمساڵدا بۆ سەرجەم بەکارهێنەران بەردەست دەکرێت.

• لیستی ئەو ئامێرانەی کە پشتگیری لە وەشانی iPadOS 13 دەکەن

ماکوان بەرزان

نووسەری پێشکەوتوو لە Kitn لە ٢٠١٨ ـەوە. ئەندازیاری iOS لە Gateway. خوێندکاری ئەندازیاریی ئایتی لە زانکۆی پۆلیتەکنیکی سلێمانی.