10
سۆنی 11, حوزه‌یران 2019 بۆچوون

کۆمپانیای Sony کار لەسەر درووستکردنی مۆبایلێکی زیرەک دەکات بە خاوەن 6 کامێراوە

لە دوای بەرهەمهێنانی ژمارەیەکی زۆر لە مۆبایلەکان بە خاوەن 3 کامێرا و بەردەوامبوون لە بەرهەمهێنانیان تاوەکو ئێستا، ژمارەیەک کۆمپانیای بەرهەمهێنەر مۆبایلی خاوەن 4 کامێرایان هێنایە بوون. وە لە سەرەتای ئەمساڵیشدا کۆمپانیای Nokia مۆبایلی Nokia 9 PureView ـی بە خاوەن 5 کامێراوە ڕاگەیاند. دەنگۆ هەیە کە کۆمپانیای Sony کار لەسەر بەرهەمهێنانی مۆبایلێکی زیرەک بکات بە خاوەن کامێرای زیاترەوە.

بە پێی هەژماری .Max J لە تویتەر، لە جریوەیەکدا ئاماژەی بەوە داوە کە لە لایەن کۆمپانیای Sony ـییەوە گوێی لێ بووە کە کۆمپانیاکە کار لەسەر بەرهەمهێنانی مۆبایلێکی نوێ لە زنجیرەی Xperia دەکات بە خاوەن 6 هاوێنەی کامێراوە لە پشتەوە. ئاماژەشی بەوە داوە کە مۆبایلەکە خاوەن 2 هاوێنەی کامێرا دەبێت لە پێشەوە.

ئەو ژمارە زۆرەی هاوێنەی کامێراکان مانای ئەوە دەگەیەنێت کە مۆبایلەکە توانای بەردەستخستنی وێنەیەکی جۆرایەتی بەرزی دەبێت. وا چاوەڕوان دەکرێت کامێرای سەرەکی مۆبایلەکەی Sony لە جۆری wide-angle بێت و کامێرایەکی دیکە تایبەت بە نزیککردنەوە بێت لەگەڵ کامێرایەکی یەک ڕەگدا بۆ باشترکردنی وێنەدانەوەکان لە دۆخە ڕووناکییە کەمەکان و جیاکردنەوەکاندا.

تاوەکو ئێستا هیچ زانیارییەکی فەرمی دەربارەی مۆبایلەکە و ڕێکەوتی ڕاگەیاندنیەوە بوونی نییە.

تێبینی:

وێنەی بابەتەکە و جریوەکە تەنها نموونەیەکی درووستکراوە لەسەر بناغەی هێنانە بەرچاو.

سەرچاوە :
بۆچونی تۆ