10
گەرمترین 24, شوبات 2019

مۆبایلی Nokia 9 PureView بە 5 کامێرا و نرخی 699$ ـەوە نمایشکرا

ئەمڕۆ کۆمپانیای HMD Global خاوەن براندی مۆبایلەکانی نۆکیا مۆبایلی Nokia 9 PureView ـی لە بۆنەیەکدا نمایشکرد. لە پڕوپاگەندەکانی پێشوودا زۆرینەی جار ئاماژەی پێدرابوو کە مۆبایلە نوێیەکەی نۆکیا خاوەن 5 دانە کامێرا دەبێت لە پشتەوە، لە کۆتایدا و بە نمایشکردنی مۆبایلەکە، گشت پڕوپاگەندەکان کۆتاییان پێهات.

مۆبایلە نوێیەکەی نۆکیا لە خاوەن 5 کامێرایە لە پشتەوە لەگەڵ کامێرایەکدا لە پێشەوە، پڕۆسێسەری Snapdragon 845 ـی لەسەر جێگیرە و خاوەن ڕامێکە بە فراوانی 6 گێگابایت و هەستەوەری پەنجەمۆر لەسەر ڕوونماکەی بوونی هەیە.

گرنگترین تایبەتمەندییەکانی مۆبایلی Nokia 9 PureView:

  • ڕوونما: قەبارە 5.99 ئینج بە وردی نیشاندانی 1440 بە 2880 پێکسڵ لە جۆری OLED.
  • پڕۆسێسەر: Qualcomm Snapdragon 845.
  • گرافیک: Adreno 630.
  • ڕام: 6 گێگابایت.
  • بیرگە: 128 گێگابایت.
  • ئەستووری: 8.2 ملیمەتر
  • کێش: 173 گرام
  • پاتری: 3.320 ملی ئەمپێر/کاتژمێر.
  • بارگاویکردنەوە: پشتگیری کردن لە بارگاویکردنەوەی خێرا
  • کامێرای پشتەوەیەکەم و دووەم و سێیەم12 مێگاپێکسڵ بە تیرەی f/1.8. چوارەم و پێنجەم: 12 مێگاپێکسڵ بە تیرەی f/1.8 و پشتگیری کردن لە RGB.
  • کامێرای پێشەوە(سێڵفی): 20 مێگاپێکسڵ.
  • هەستەوەری ئاسایشی: پەنجەمۆری سەر ڕوونما
  • دەرچە: USB-C.
  • دەنگ: AOP.
  • ڕایەڵە: LTE ، NFC ، Wi-Fi 802.11a/b/g/n/ac ، Bluetooth.
  • پارێزگاریکردن: دژە ئاو لە جۆری IP67.
  • ڕەنگ: شین (شینی سەر لە بەیانی).
  • سیستەمی کارپێکەر: Android One (بنچینەکراو لەسەر Android 9 Pie).

کۆمپانیاکە ڕایگەیاندووە کە مۆبایلەکە لە جۆری دیاریکراوی سنووردار (limited edition) ـە و نازانرێت کە چەند ژمارە لە مۆبایلەکە بەرهەم دەهێندرێت. نرخی مۆبایلە 5 کامێراکەی نۆکیا 699$ ـە و لە بازاڕەکانی باکوری ئەمریکا و ئەوروپا بەردەست دەکرێت، بەڵام تا ئەم ساتە هیچ کەسێک ڕێکەوتی بەردەستکردنی مۆبایلەکەی نۆکیا نازانێت.

تێبینی: ئەمانە گشت زانیارییەکانن کە لەبەر دەستماندان تا ئەم ساتە. لە داهاتوودا ئەم بابەتە نوێدەکرێتەوە بە مەبەستی زیادکردنی وردەکاری زیاتر.

بۆچونی تۆ