چۆنیەتی دامەزراندنی وەشانە تاقیکارییە گشتییەکانی macOS Catalina

دوێنێ (24 ـی 6) ئەپڵ یەکەمین وەشانی تاقیکاری گشتی لە سیستەمەکانی iOS 13 و iPadOS 13 و macOS Catalina بەردەستکرد. بەو مانایەی، ئێستا تۆ وەکو کەسێکی ئاسایی دەتوانیت وەشانەکان لە پێش بەردەستکردنیان بە شێوەی گشتی و چاوەڕوان نەبوون تاوەکو مانگی 9 دابمەزرێنیتە سەر ئامێرەکەت.

ئەم بابەتە یارمەتیدەرە بۆ دامەزراندنی وەشانە تاقیکارییە گشتییەکانی macOS Catalina بۆ ئامێری ماکەکەت. بەردەوامبە لە خوێندنەوە.

چۆنیەتی داگرتنی وەشانە تاقیکارییە گشتییەکانی macOS Catalina:

1. کردنەوەی ئەم بەستەرە لە وێبگەڕی سەفاری (https://beta.apple.com/sp/betaprogram/)
2. کرتە کردن لە دوگمەی Sign in و داخڵکردنی ئیمەیڵ و تێپەڕەوشەی هەژماری ئەپڵ ئایدییەکەت
3. کرتە کردن لە دوگمەی Enroll Your Devices لە بەشی سەرەوە و دەستە ڕاستی وێبسایتەکە، لە پاشان کرتە لە macOS بکە
4. بڕۆ خوارەوەی پەڕگەکە و کرتە لە دوگمەی Download the macOS Public Beta Access Utility بکە
5. کە کرتەت لە دوگمەکەی سەرەوە کرد، پەڕگەیەک لە جۆری DMG. و لە پاکێجێکدا دادەبەزێت. بیکەرەوە و دایبمەزرێنە
6. لە پاشان ئەپی System Preferences بکەرەوە و کرتە لە بەشی Software Update بکە و لە پاشان کرتە لە Download بکە

بەم شێوەیە، وەشانە تاقیکارییە گشتییەکان لەسەر ئامێرەکەت دادەمەزرێت و لەگەڵ بەردەستکردنی هەر وەشانێکی نوێی تاقیکاری گشتیدا، بە دەستت دەکات و دەتوانیت دایبمەزرێنیت.

تێبینی:

• زۆرینەی جار وەشانە تاقیکارییەکان خاوەن کێشەی جۆراوجۆر، خاوبوونەوە، لاوازی تەندرووستی پاترین و کێشەی زیاترن. هەر بۆیە، بە داگرتنیان دەبێت ڕەزامەند بیت بە گرتنە ئەستۆی هەر کێشەیەک
• ئەپڵ پێشنیارت بۆ دەکات کە لە پێش دامەزراندنی وەشانە تاقیکارییەکان، کرداری پاشەکەوتکردن (Backup) لە ئەپی iTunes ـی کۆمپیوتەر ئەنجام بدەیت؛ داوا لێ کراو نییە – تەنها پێشنیارکراوە

تێبینی بۆ نوێکردنەوەی وەشان:

• پێویستە ماکەکەت پەیوەستی کەیبڵی بارگاویکردنەوە کرابێت بۆ دامەزراندنی وەشانەکان

لیستی ئەو ئامێرانەی کە پشتگیری لە وەشانی macOS Catalina دەکەن:

• iMac Pro ـی 2017 و نوێتر
• MacBook ـی 2015 و نوێتر
• Mac Pro ـی 2013 و نوێتر
• iMac ـی 2012 و نوێتر
• MacBook Air ـی 2012 و نوێتر
• MacBook Pro ـی 2012 و نوێتر
• Mac mini ـی 2012 و نوێتر