هەواڵ

ڕاگەیاندنی مۆبایلی ZTE Nubia X بە دوو ڕوونما و پشتگیری بۆ هێڵەکانی نەوەی پێنجەم 5G

کۆمپانیای ZTE وەک ئاشکرایە لە ماوەی چەند مانگی ڕابردوودا مۆبایلی ZTE Nubia Xـی ڕاگەیاندبوو، بەڵام ڕۆژی ڕابردوو ناوبراو مۆبایلەکەی دووبارە ڕاگەیاندەوە بە پشتگیریکردنی بۆ هێڵەکانی نەوەی پێنجەم و لە ژێر ناوی ZTE Nuba X 5Gـدا.

مۆبایلی ZTE Nuba X 5G بە بەراورد بە جۆرەکەی پێشووی لە ئێستادا پڕۆسێسەرەکەی گۆڕدراوە و لە جیاتی Snapdragon 845 کاردەکات بە Snapdragon 855 کە بەهێزترین پڕۆسێسەری کوالکۆمە هەتاوەکو ئێستا، بێجگە لە پڕۆسێسەر ئەوەی نوێ بێت لەم مۆبایلەدا بەردەستبوونی مۆدێمی Qualcomm X50ـە هەتاوەکو مۆبایلەکە توانای پەیوەستبوونی هەبێت لەگەڵ هێڵەکانی نەوەی پێنجەم 5G.

گرنگترین تایبەتمەندییەکان:-

  • ڕوونما: لە جۆری LTPS IPS LCD و بە قەبارەی 6.26 ئینج و بە ڕوونی 1080×2280 پێکسڵ و بە دووری 19:9
  • پڕۆسێسەر: Snapdragon 855
  • پڕۆسێسەری گرافیک: Adreno 640
  • سیستمی وەگەڕخەر: ئەندرۆید پای 9.0
  • کامێرای پێشەوە و پشتەوە: دوو کامێرا بە ڕوونی 16+24 مێگاپێکسڵ
  • ڕام: 6 یان 8 گێگابایت
  • بیرگە: 128 یان 256 یان 512 گێگابایت
  • توانستی پاتری: 3800 ملی ئەمپێر و پشتگیری لە بارگاویکەرەوەی خێرا دەکات بە خێرایی 18 وات
  • ڕەنگ: ئاڵتونی و شین و خۆڵەمێشی
  • نرخ: ئاشکرا نەکراوە
  • بەرواری بەردەستبوون: ئاشکرا نەکراوە

سەرچاوە:-

  • GSM Arena

29 حوزه‌یران، 2019
ئاڤاتار
ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.
891