شاومی

شاومی ڕەنگێکی نوێ بۆ مۆبایلی Redmi Note 7 زیاد دەکات

لە سەرەتای ئەمساڵدا کۆمپانیای شاومی چینی مۆبایلی Redmi Note 7 ـی بە نرخێکی کەم و بە ڕەنگەکانی ڕەش، مۆر، شین و پەمەییەوە ڕاگەیاند. ئەمڕۆ کۆمپانیاکە ئاشکرای کرد کە ڕەنگێکی نوێ بۆ مۆبایلەکە زیاد دەکات.

لە بڵاوکراوەیەکی هەژماری فەرمی Redmi لە پێگەی Weibo ـدا ڕایگەیەندراوە کە بژاردەی ڕەنگی زیوی (Silver) بۆ مۆبایلی Redmi Note 7 زیاد دەکرێت. ڕەنگە زیوییەکەیە لە جۆری بەفری دەبێت و وا دیارە تێکەڵاوە. هەرچەندە کۆمپانیاکە ناوی ڕەنگەکەی ئاشکرا نەکردووە، بەڵام ڕەنگە ناوی ڕەنگەکە؛ سپی جەمسەری، زیوی جەمسەری یاخود خۆڵەمێشی سەهۆڵی بێت.

ڕاگەیاندنی ڕەنگە نوێیەکەی مۆبایلەکە لە لایەن شاومییەوە بە بێ ئاشکراکردنی ڕێکەوتی بەردەستکردنیەوە بوو، بەڵام بەداخەوە، وا دیارە ڕەنگە نوێیەکەی مۆبایلی Redmi Note 7 بە تەنها لە بازاڕەکانی وڵاتی چیندا بەردەست دەکرێت.

سەرچاوە :

16 ته‌مموز، 2019
ئاڤاتار
بەڕێوەبەری نووسین و نووسەر لە کەی ئای تی ئێن. خوێندکاری پەیمانگەی کۆمپیوتەرم، گەشەپێدەرم و شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
841