تۆڕە کۆمەڵایەتییەکان

لەمەودوا پێش ئەوەی هەژمارەکەت ناچالاک ببێت، ئینستەگرام ئاگادارت دەکاتەوە

ئینستەگرام لە هەوڵدایە تاوەکو بەکارهێنەرانی لە تۆڕەکەدا بهێڵێتەوە و پارێزراوتری بکات. لە هەنگاوێکی نوێدا، لەمەودوا کۆمپانیاکە ئاگادارت دەکاتەوە پێش ئەوەی هەژمارەکەت ناچالاک ببێت.

لە دوای بڵاوکردنەوەی هەر وێنەیەکی بێئابڕوویی، لێدوانی بێزارکەر و هەڕەشە ئامێز یاخود بازرگانی قەدەغەکراو، کۆمپانیاکە بە شێوەیەکی ڕاستەوخۆ بڵاوکراوە یاخود لێدوانەکەت دەسڕێتەوە و ئاگادارت دەکاتەوە کە پێویستە دووبارە نەبێتەوە. لە ئەگەری دووبارەکردنەوەی هەمان کردار، کۆمپانیاکە ڕاستەوخۆ هەژمارەکەت ناچالاک دەکات بە تۆمەتی پێشێلکردنی یاسا و ڕێساکانەوە.

بە پێی کۆمپانیاکە بێت، زیادکردنی ئەو ئاگادارکەرەوەیە بۆ پارێزراوکردنی تۆڕەکەیە لە بڵاوکراوە و لێدوانە قەدەغەکراوەکان. لە ماوەی ڕابردوودا کۆمپانیاکە زیاتر سەرنجی خستبووە سەر پارێزراوی و 2 ئامرازی گرنگی زیادکرد، دانەیەکیان ئاگاداری دەکردیتەوە لە سڕینەوەی لێدوانە هەڕەشە ئامێز و خراپەکان و ئەوەی دیکە تایبەت بوو بە سنووردارکردنی دەرکەوتنی لێدوانەکانی شوێنکەوتووەکان.

سەرچاوە :
20 ته‌مموز، 2019
ئاڤاتار
بەڕێوەبەری نووسین و نووسەر لە کەی ئای تی ئێن. خوێندکاری پەیمانگەی کۆمپیوتەرم، گەشەپێدەرم و شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
828